ကလေးမြို့ စမ်းမြို့ရပ်ကွက်မှာရှိတဲ့ ခရိုင်ပညာရေးရုံးအနီးတွင် ဒီနေ့(မေ၅) နေ့လည် ၂ နာရီခန့်က ဗုံးပေါက်ကွဲမှုဖြစ်ပွားတယ်လို့သတင်းရရှိပါတယ်။
ခရိုင်ပညာရေးရုံးဟာ စတွောမ်ဘောလုံးကွင်းအနီး အ.ထ.က ၈ ကျောင်းရှေ့မှာရှိပါတယ်။
ယင်းရုံးက ဝန်ထမ်းတွေဟာ CDM မလုပ်ကြတာကြောင့် ရုံးကို ခဲနဲ့ထုတာတွေရှိခဲ့တာကြောင့် မကြာခင်က CCTV လည်းတပ်ထားပါတယ်။
စမ်းမြို့ရပ်ကွက် ဗိုလ်ချုပ်လမ်းပေါ်မှာနေထိုင်သူတစ်ဦးက “လွန်ခဲ့တဲ့ နာရီဝက်က အသံအကျယ်ကြီးကြားရပြီး အိမ်လည်းတုန်ခါသွားတယ်။ ငလျင်လှုပ်သလိုပဲ။ ပုံးကျသံလာလို့ထင်တာ”လို့ပြောပါတယ်။
ခုချိန်မှာ စစ်ကား ၂ စီးရောက်လာပြီး လုံခြုံရေးချထားပါတယ်။ထိခိုက်ပျက်ဆီးမှုကိုတော့ မသိရသေးပါ။
