CDF – ထန်တလန်ရဲ့ ပထမအကြိမ် ညီလာခံကျင်းပပြီး ကာကွယ်ရေးဖွဲ့စည်းပုံ ပြောင်းလဲ

Grace/၂၅၊ အောက်တိုဘာ ၊ ၂၀၂၃။

Zalen

CDF – Thantlang ရဲ့ပထမအကြိမ်မြောက် ညီလာခံကို ၂၀၂၃ အောက်တိုဘာ ၁၈ မှ ၂၀ ရက်နေ့အထိ နယ်စပ်တနေရာတွင်ကျင်းပ ပြီး ညီလာခံကို သက်ဆိုင်ရာကိုယ်စားလှယ် စုစုပေါင်း ၁၉၀ ဦးကျော်တက်ရောက်နိုင်တယ်လို့ CDF – Thantlang မှ မနေ့ အောက်တိုဘာ ၂၄ တွင်ထုတ်ပြန်ထားပါတယ်။

ညီလာခံတွင် ၂နှစ်ခွဲခန့်အချိန်အတွင်း အဖွဲ့အစည်းလုပ်ဆောင်ခဲ့သောလုပ်ငန်းများကို ပြန်လည် သုံးသပ်မှတ်တမ်း တင်ခြင်း၊ ဦးဆောင်မည့်သူများပြန်လည်ရွေးချယ်ခြင်း တို့လုပ်ဆောင်ကြောင်း ထုတ်ပြန်ချက်မှာ ထည့်သွင်း ထားပါတယ်။

“ဒီကိစ္စနဲ့ပတ်သက်ပြီး CDF –Thantlang ကာကွယ်ရေးပိုင်းပြင်ဆင်ဖွဲ့စည်းထားတာ နည်းနည်းရှိတယ် ပေါ့နော်။ အရင် တုန်းကတော့ တပ်မတော်ပိုင်းမှာ ကာကွယ်ရေးဦးစီးချုပ် (Commander-in-Chief )  ကအမြင့်ဆုံး တာဝန်ကို  ယူ ထားပြီး သူ့ရဲ့လက်အောက်မှာ တပ်မှူး (Commander 1, 2,3) ရှိတယ်။ ပြီးတော့  တောင်ကြော အလိုက် တပ်မှူး များဆိုပြီး ၆ ဦးအထိရှိပါ တယ်။ အခုတစ်ခေါက်ပြင်ဆင်တာကတော့ CNF/A နဲ့အခြား CDF များရဲ့ ဖွဲ့စည်းပုံအတိုင်း ကာကွယ်ရေးအတွင်းရေးမှူး (Defense Secretary ) ကနေကာကွယ်ရေးပိုင်း အမြင့် ဆုံးတာဝန်ကိုယူထားပြီး သူ့ရဲ့အောက်ကနေ  စစ်ဦးစီးအရာရှိချုပ် (Chief of Staff ,CS) နဲ့ ဒု- စစ်ဦးစီးအရာရှိ ချုပ်(Vice Chief of Staff ,VCS) ဆိုပြီး သူတို့ (၃) ဦးက ဦးစီးဦးဆောင်လုပ်မှာပါ။ တစ်ခြားအပိုင်းမှာတော့ ထွေထွေထူးထူးပြောင်းလဲတာ မရှိပါဘူး” လို့ CDF-ထန်တလန် တာဝန်ရှိသူတစ်ဦးက Zalen ကိုပြောပါတယ်။

CDF –Thantlang ရည်မှန်းချက်များဆောင်ရွက်နိုင်ရန်အတွက် ပြည်တွင်းပြည်ပမှ ပြည်သူများ အနေဖြင့် ငွေကြေး ပိုင်းဆိုင်ရာမှာလည်း ပိုမိုပံ့ပိုး ကူညီပေးပါရန်လည်း ထုတ်ပြန်ချက်ထဲ ထည့်သွင်းထားပါတယ်။

နောက်ဆုံးရသတင်းများ

ငလျင်ဒဏ်ကြောင့် နောက်ဆက်တွဲ အကျိုးဆက် ဘာတွေ ဖြစ်နိုင်လဲ

ဝသာန် ၂၀၂၅ ခုနှစ် မတ်လ(၂၈)ရက်နေ့က မြန်မာနိုင်ငံမှာ (၇.၇)စကေးရှိတဲ့ အပြင်းထန်ဆုံး ငလျင်ဘေး‌ဒါဏ်ကို ခံစားခဲ့ရတယ်။အဆိုပါ ငလျင်ဘေးဒါဏ်ကနေ ကယ်ဆယ်ရေးလုပ်ငန်းတွေ လုပ်ဆောင်နေတာ (၁၀)ရက်ရှိသွားပေမယ့် ပြန်လည်ထူထောင်ရေးအတွက် အကူအညီလိုအပ်နေတုန်းပါပဲ။ မြန်မာနိုင်ငံကို နိုင်ငံတကာက အကူအညီအနေနဲ့ အမေရိကန်ဒေါ်လာ(၁၃၆.၈၈)သန်း ရရှိထားတယ် ...

ဆက်ဖတ်ရန်