NLD ပါတီဝင် ၁၃၀၀ နီးပါး ဖမ်းဆီးခံထားရပြီ ပါတီဝင် တစ်ရာနီးပါးသေဆုံး

၈၊ နိုဝင်ဘာ၊ ၂၀၂၃

Zalen

စစ်အာဏာသိမ်းထားတဲ့ နှစ်နှစ်ကျော် ကာလအတွင်းမှာ အမျိုးသား ဒီမိုကရေစီ အဖွဲ့ချုပ်ပါတီ (NLD) ရဲ့ လွှတ်တော်ကိုယ်စားလှယ် ၇၁ ဦးအပါအဝင် ပါတီဝင် ၁၂၉၀ ဦး ဖမ်းဆီးခံထားရပြီး အဲဒီအထဲက  ပါဝင်တီ ၁၀၁ ဦး ဟာ စစ်ကောင်စီတပ်ကြောင့် သေဆုံးခဲ့ရ တယ်လို့ NLD ပါတီ ဗဟိုအလုပ်ကော်မတီက နိုဝင်ဘာလ ၈ ရက်ဒီကနေ့မှာ ထုတ်ပြန်ပါတယ်။

၂၀၂၀ ပြည့်နှစ်၊ နိုဝင်ဘာလ ၈ ရက် ရွေးကောက်ပွဲ သုံးနှစ်ပြည့် ကြေညာချက်မှာ ဒီအချက်အလက်တွေ ထုတ်ပြန်လိုက်တာ ဖြစ်ပါတယ်။

ဒါ့အပြင် လွှတ်တော်ကိုယ်စားလှယ် ၁၈၂ ဦးရဲ့ ပိုင်ဆိုင်မှုတွေအပါအဝင် NLD ပါတီဝင် ၄၀၇ ဦးရဲ့ ပိုင်ဆိုင်မှုတွေ ချိပ်ပိတ်သိမ်းဆည်းခံထားရတယ်လို့ ဆိုပါတယ်။

စစ်ကောင်စီက မဲစာရင်း မသမာမှုကို အကြောင်းပြပြီး အာဏာသိမ်းခဲ့တာကြောင့် တိုင်းပြည် တည်ငြိမ်ရေးကို ပျက်ပြားစေခဲ့တာဖြစ်ပြီး NLD အနေနဲ့ ဖက်ဒရယ် ဒီမိုကရေစီ ပြည်ထောင်စု တည်ဆောက်ဖို့အတွက် ပြည်သူတွေ၊ စစ်အာဏာသိမ်းမှုကို ဆန့်ကျင်တဲ့ တိုင်းရင်းသား အင်အားစုတွေ၊ မိတ်ဖက် အဖွဲ့အစည်းတွေနဲ့ လက်တွဲ ဆောင်ရွက်မယ်လို့လည်း ထုတ်ပြန်ချက်မှာ ဖော်ပြထားပါတယ်။

ချစ်ခြင်းနွေ

နောက်ဆုံးရသတင်းများ

ဒီညကစပြီး လောင်တလိုင်ခရိုင်ကနေ မြန်မာဘက်သို့ကုန်တင်ကား အဝင်အထွက်ပိတ်မယ်လို့ CYLA အသိပေး

၂၅၊မေလ ၊၂၀၂၄ Zalen အိန္ဒိယနိုင်ငံ၊ မီဇိုရမ်ပြည်နယ်၊ လောင်တလိုင်ခရိုင်ကနေ ချင်းပြည်နယ် ပလက်ဝမြို့နယ်နဲ့ ရခိုင်ပြည်နယ်ထဲကို အခြေခံစားသောက်ကုန်များ အပါအဝင် တစ်ခြားသောပစ္စည်းများကို သယ်ယူပို့ဆောင်လျက်ရှိတဲ့ ကားသမားများအနေနဲ့ ဒီကနေ့ မေလ ၂၅ ရက် ည ၁၂ ...

ဆက်ဖတ်ရန်