ကလေးမြို့ တောင်ဖီလာရပ်ကွက်ရှိ တောင်ဖီလာကောက်ကွင်းလမ်းဘေးက အမဲခုံတွင်ထိုင်နေတဲ့ လူ (၅)ဦးကို စစ်သားတွေက မနေ့ နေ့လည်ပိုင်းက ထိုးကြိတ်ရိုက်နှိပ်လို့ ဒဏ်ရာအသီးသီးရရှိကြတယ်လို့သိရပါတယ်။
တာဟန်းဘက်ကနေ မြို့လှဘက်ကိုသွားနေတဲ့ စစ်သားတွေက လမ်းဘေး အမဲခုံတွင်ဈေးရောင်းနေတဲ့ မွန်ထာရွာက (၂)ဦး၊ မြို့လှရွာက (၃)ဦးကို ဘာအကြောင်းပြချက်မှမရှိဘဲ တုတ်၊ သေနတ်ဒင်နဲ့ထိုးကြိတ်ကြပါတယ်။
မျက်မြက်သက်သေတစ်ဦးက “သူတို့အားလုံး ထိုးကြိတ် ရိုက်နှိပ်တာ ခံရတယ်။ စစ်သားတွေက သစ်သာ ၂-၁ အရွယ်နဲ့ရိုက်တယ်။ သေနတ်ဒင်နဲ့လည်းရိုက်တယ်။ ဦးခေါင်းတွေလည်းအရိုက်ခံရလို့ ဦးခေါင်းကွဲတာလည်းရှိတယ်။ ပြီးတော့ မြို့မရဲစခန်းကို ခေါ်သွားပြီး ညနေပိုင်းမှာ ဆွေမျိုးတွေက ငွေကြေးအနည်းငယ်ပေးပြီးတော့ ပြန်လွတ်လာတယ်” လို့ပြောပါတယ်။
မနေ့က ကလေးမြို့တွင် စစ်တပ်နဲ့ ရဲက ပစ်ခတ်လို့ လူ (၃)ဦးသေဆုံးပြီး ပြည်သူ့ဆေးရုံတွင် ပိုင်ရှင်မသိရသေးတဲ့ အလောင်း တစ်လောင်းရှိတယ်လို့လည်းသိရပါတယ်။
မနေ့က ဆန္ဒဖော်ထုတ်တဲ့ထဲမှာပါတဲ့ လူငယ် (၈)ဦးကျော် ဖမ်းဆီးခံရပါတယ်။
