ကလေးမြို့ အနောက်တောင်ဘက်ကရှိ လေးအိမ်စုရွာက လူနေအိမ် ၂ လုံးနဲ့ UG စခန်းတစ်ခုကို စစ်ကောင်စီတပ်သားတွေက မီးရှို့တဲ့အပြင် လယ်လုပ်နေတဲ့ အရပ်သား ၂ ဦးကို ပစ်သတ်သွားကြတယ်လို့ သတင်းရရှိပါတယ်။
ယနေ့သြဂုတ်လ ၁၆ ရက်မနက် ၆ နာရီလောက်တွင် စစ်ကောင်စီအင်အား ၅၀ လောက်ဟာ ကလေးမြို့ အနောက်တောင်ဘက်သို့စစ်ကြောင်းထိုးလာပြီး UG စခန်းမီးရှို့ဖျက်စီးခံခဲ့ရပြီးလက်လုပ်ရိုင်ဖယ်၁လက် ဖုန်း နှင့် ပစ္စည်းအချို့ ဆုံးရှုံးတယ်လို့ PDF-Kalay တပ်ရင်း-၂ ကထုတ်ပြန်ထားပါတယ်။
UG ရဲဘော်များ ဘေးကင်းစွာလွတ်မြောက်ခဲ့ပေမယ့် စခန်းအနီးမှာလယ်လုပ်နေတဲ့ အရပ်သား ၂ ဦးကို အကြာင်းမဲ့ပစ်သတ်သွားကြပါတယ်။
ပြီးနောက် စစ်ကောင်စီတပ်သားတွေဟာ လေးအိမ်စုရွာသို့ဝင်လာပြီး လူနေအိမ် ၂ လုံးကိုမီးရှို့ကြပါတယ်။ စစ်ကောင်စီတပ်သားတွေဟာ လက်ပံခုံရွာကနေတဆင့် ကလေးမြို့ ဒကစတပ်တွင်းသို့ပြန်လည်ဆုပ်ခွာသွားကြပါတယ်။
