ကောလင်း မြန်မာ့စီးပွားရေးဘဏ်က သိန်းပေါင်း ၉၅၀၀ ကျော်ကို သိမ်းဆည်းထားတယ်လို့ NUG ထုတ်ပြန်

၁၅၊ နိုဝင်ဘာ၊ ၂၀၂၃

အမျိုးသားညီညွတ်ရေးအစိုးရ (NUG) လက်အောက်ခံ ပြည်သူ့ကာကွယ်ရေးတပ်ဖွဲ့ (PDF)နဲ့ မဟာမိတ်ပူးပေါင်းတပ်ဖွဲ့တွေ သိမ်းပိုက်ထားတဲ့ စစ်ကိုင်းတိုင်း ကောလင်းမြို့က မြန်မာ့စီးပွားရေး ဘဏ်ကနေ သိန်း၉၅၀၀ကျော် သိမ်းဆည်းရရှိထားတယ်လို့ နိုဝင်ဘာလ ၁၄ ရက်နေ့မှာ NUG ရဲ့ ကြားကာလဗဟိုဘဏ်က ထုတ်ပြန်ထားပါတယ်။

ကောလင်းခရိုင်၊ မြန်မာ့စီးပွားရေးဘဏ်ရဲ့ ငွေသားလက်ကျန် သိမ်းဆည်းထားတဲ့ စာရင်းကို မှတ်တမ်းတင်ထားပြီး နိုင်ငံတော်ပိုင်ဘဏ္ဍာငွေတွေနဲ့ ပြည်သူတွေရဲ့ အပ်နှံငွေတွေ နစ်နာဆုံးရှုံးမှု မရှိအောင် စနစ်တကျ စီမံခန့်ခွဲထားတယ်လို့လည်း ထုတ်ပြန်ချက်မှာ ဖော်ပြထားပါတယ်။

ကောလင်းမြို့ကိုNUGလက်အောက်က   ပြည်သူ့ကာကွယ်ရေးတပ်ဖွဲ့(PDF)၊  ကချင်လွတ်မြောက်ရေးတပ်မတော် (KIA)၊  ပြည်သူ့ကာကွယ်ရေးအဖွဲ့ (ပကဖ) စတဲ့ မဟာမိတ်ပူးပေါင်းအဖွဲ့တွေက နိုဝင်ဘာလ ၆ ရက်နေ့မှာ သိမ်းဆည်းခဲ့တာဖြစ်ပါတယ်။

နိုဝင်ဘာလ ၈ ရက်နေ့မှာတော့ ကောလင်းခရိုင်အရေးပေါ်အုပ်ချုပ်ရေးဆိုင်ရာ ခရိုင်ပေါင်းစပ်ညှိနှိုင်း ရေးအဖွဲ့ကို NUG ဝန်ကြီးချုပ် မန်းဝင်းခိုင်သန်းက ဖွဲ့စည်းတာဝန်ပေးအပ်ခဲ့တယ်လို့ လည်း ထုတ်ပြန်ချက်မှာ ဖော်ပြထားပါတယ်။

ချစ်ခြင်းနွေ

နောက်ဆုံးရသတင်းများ

UFC 300 မှာထိုးသတ်ကြမယ့် တွဲဆိုင်းအားလုံး ဝိတ်တန်းဝင်၊ အပိုဆုကြေးငွေအဖြစ် ဒေါ်လာ ၃ သိန်းအထိ တိုး မြှင့်ပေးသွားမယ်

၁၃၊ ဧပြီ၊၂၀၂၄ Zalen MMA လောကမှာ အကြီးကျယ်ဆုံးအဖွဲ့အစည်းဖြစ်တဲ့ Ultimate Fighting Championship – UFC အဖွဲ့အ စည်းရဲ့ ပွဲစဉ် ၃၀၀ မြောက်ပြည့်တဲ့ရာပြည့်ပွဲ UFC 300 မှာထိုးသတ်ကြမယ့် ဖိုက်တာတွေအကုန်လုံး ...

ဆက်ဖတ်ရန်