၁၇၊ဇွန်၊၂၀၂၄
Zalen
စစ်ကိုင်းတိုင်း၊ကလေးမြို့အတွင်းကို စစ်ဘေးရှောင်လာတဲ့ စစ်ဘေးသင့်ပြည်သူတစ်ချို့ကိုကျောင်းတိုက်ရွာ(ပျူစောထီးရွာ)မှာ ရွေ့ပြောင်းခိုင်းဖို့ ပြင်ဆင်နေတယ်လို့ သိရပါတယ်။
“ကလေးမြောက်ပိုင်းကနေ မြို့ထဲပြေးလာတဲ့ စစ်ဘေးရှောင်တွေကို ကျောင်းတိုက်မှာ စစ်ဘေးရှောင်ခိုင်းဖို့ပြင်နေတယ်။အရင်တစ်ခေါက်ကျောင်းတိုက်မှာ တိုက်ပွဲဖြစ်တုန်းက စစ်ဘေးရှောင်ပြီး အခုရွာကို ပြန်မလာတဲ့သူတွေရဲ့ နေအိမ်တချို့လည်း တပ်က ဖျက်ထားတယ်”လို့ တပ်တွင်းနဲ့ရင်းနှီးသူတစ်ဦးကပြောပါတယ်။
“အခုတလောမြို့ထဲမှာလည်း စကစတပ်တွေအရပ်ဝတ်နဲ့သွားသွားလာလာလုပ်နေတယ်။ပြည်သူတစ်ချို့ကို ကျောင်းတိုက်ထဲ စစ်ရှောင်ခိုင်းပြီး ကျွန်တော်တို့ဘက်က စစ်ကြောင်းထိုးတိုက်ခိုက်မှာကိုကြောက်လို့ ကြိုတင်ကာကွယ်ချင်တာမျိုးလို့ ယူဆတယ်။ကျွန်တို့သိရလောက်တော့ မြို့ထဲမှာ စစ်ရှောင်တဲ့ကျောင်းတိုက်ရွာခံတွေကို လိုက်စုံစမ်းနေတာလို့ ကြားတယ်။ပြည်သူတွေအနေနဲ့လည်း စိုးရိမ်လွန်တာမျိုးမဟုတ်ဘဲ အသွားအလာကစ မပေါ့ဆစေချင်ဘူး”လို့ တော်လှန်ရေးတပ်ဖွဲ့ဝင်တစ်ဦးကပြောပါတယ်။
ကလေးမြို့အနောက်မြောက်ပိုင်းမှာ နှစ်ဖက်တိုက်ပွဲဖြစ်ပြီးနောက် ကလေးမြို့အတွင်း အရပ်သားထောင်ချီပြီး စစ်ဘေးတိမ်းရှောင်နေကြတယ်လို့လည်း သိရပါတယ်။
သတင်း-HAK
