ဆမီးမြို့ပေါ် ပစ်ခတ်မူမှာ စစ်ကောင်စီတပ်ဖွဲ့ဝင် ၄ ဦးသေဆုံး၊ ကလေးမိခင် တစ်ဦး ကျည်ထိမှန်

၄ ၊ နိုဝင်ဘာ၊ ၂၀၂၃

Zalen

ချင်းပြည်နယ်၊ ပလက်ဝမြို့နယ်၊ ဆမီးမြို့ပစ်ခတ်မူမှာ စစ်ကောင်စီတပ်ဖွဲ့ဝင် ၄ ဦး သေဆုံးကာ ၁ ဦး ထိခိုက်ဒဏ်ရာရရှိခဲ့ပြီး ၅ လသား အရွယ် ကလေးမိခင် တစ်ဦး ကျည်ထိမှန်တယ်လို့ သတင်းရရှိပါတယ်။

နိုဝင်ဘာလ ၄ ရက်နေ့ မနက် ၁ နာရီဝန်းကျင်ခန့် ဆမီးမြို့၊ ဘားဝရပ်ကွက်ရှိ စစ်ကောင်စီတပ်ဖွဲ့ဝင် ၄ ဦး ဂိတ်ကင်းပြီးအပြန်  ချင်းအမျိုးသားတပ်မတော်(CNA)က စောင့်ကြိုတိုက်ခိုက်ပစ်ခတ်ရာ စစ်ကောင်စီတပ်ဖွဲ့ ၄ ဦးသေဆုံးပြီး ၁ ဦး ထိခိုက် ဒဏ်ရာရရှိခဲ့တယ်လို့ CNA နဲ့ နီးစပ်တဲ့သူထံက သိရှိရတယ်။

တိုက်ပွဲအတွင်း အပြန်အလှန်ပစ်ခတ်ရာ ဘားဝရပ်ကွက်နေ ၅ လသားအရွယ် ကလေး မိခင် တစ်ဦးခါးတွင် ကျည်ထိမှန်ကာ ပလက်ဝပြည်သူ့ဆေးရုံသို့ အရေးပေါ် ပို့ဆောင်ရတယ်လို့ ဒေသခံ တစ်ဦးက Zalen ကို ပြောပါတယ်။

” ကလေးအမေက ဒေါ်အေးမိုးသွယ် အသက် ၃၀ ပါ။ ခါးမှာ ကျည်မှန်သွားတယ်။ ဆမီးမြို့ပေါ်မှာက ဆရာဝန်မရှိတော့ နေ့လည် ၄ နာရီလောက်က ပလက်ဝဆေးရုံကို ပို့ဆောင်လိုက်ရပါတယ်” လို့ဆိုပါတယ်။

ကျည်ထိမှန်တဲ့ ကလေးမိခင်ဟာ အသက်အန္တရာယ် စိုးရိမ်စရာရှိပြီး  ဆမီးဆေးရုံက ကျည်ထုတ်ပေးနိုင်တဲ့ ဆရာဝန်မရှိသဖြင့် ပလက်ဝဆေးရုံသို အရေးပေါ် ပို့ဆောင်နေရတယ်လို့ သိရပါတယ်။

ဆမီးမြို့မှာ ပြီးခဲ့တဲ့ စက်တင်ဘာ ၁၆ ရက်နေ့ ည ၈ နာရီခန့်တွင် လက်ဖက်ရည်ဆိုင် ထိုင်နေတဲ့ ဆမီးမြို့ ယာယီရဲစခန်းမှူးကိုလည်း CNA က ဖမ်းဆီးခေါ်ဆောင်သွားခဲ့တယ်လို့ သိရပါတယ်။

သတင်း-အိုက်ခူမီး

နောက်ဆုံးရသတင်းများ

UFC 300 မှာထိုးသတ်ကြမယ့် တွဲဆိုင်းအားလုံး ဝိတ်တန်းဝင်၊ အပိုဆုကြေးငွေအဖြစ် ဒေါ်လာ ၃ သိန်းအထိ တိုး မြှင့်ပေးသွားမယ်

၁၃၊ ဧပြီ၊၂၀၂၄ Zalen MMA လောကမှာ အကြီးကျယ်ဆုံးအဖွဲ့အစည်းဖြစ်တဲ့ Ultimate Fighting Championship – UFC အဖွဲ့အ စည်းရဲ့ ပွဲစဉ် ၃၀၀ မြောက်ပြည့်တဲ့ရာပြည့်ပွဲ UFC 300 မှာထိုးသတ်ကြမယ့် ဖိုက်တာတွေအကုန်လုံး ...

ဆက်ဖတ်ရန်