မေ ၇၊ ၂၀၂၆
Zalen
ချင်းပြည်နယ်၊ တီးတိန်မြို့နယ်ထဲက Phunom (ဖူနွမ်း) ကျေးရွာမှာ မေလ ၆ ရက် ညနေပိုင်းမှာ စစ်ကောင်စီဘက်က ဒရုန်းနဲ့ ဗုံးကြဲတိုက်ခိုက်ခဲ့လို့ PDF-Zoland ရဲဘော် ခုနှစ်ဦးနဲ့ အရပ်သား သုံးဦး သေဆုံးခဲ့ပါတယ်။
မနေ့က ညနေ ၄ နာရီလောက်မှာ စစ်ကောင်စီက Phunom ရွာထဲကို ဒရုန်းနဲ့ ဗုံးသီး သုံးလုံး ကြဲချခဲ့ပေမယ့် ဗုံးတစ်လုံးပဲ ပေါက်ကွဲပြီး နှစ်လုံးက မပေါက်ခဲ့ဘူးလို့ သိရပါတယ်။
ညနေ ၆ နာရီလောက်မှာ ဒုတိယအကြိမ် ဖူနွမ်းရွာထဲရှိ AG ဘုရားကျောင်းကို ဒရုန်းနဲ့ ဗုံးကြဲခဲ့တာကြောင့်ဘုရားကျောင်းနားမှာ ရှိနေကြတဲ့ PDF-Zoland တပ်ဖွဲ့၀င် အမျိုးသမီးရဲဘော် လေးဦးနဲ့ အမျိုးသားရဲဘော် သုံးဦးအပြင် ထမင်းချက်ပြုတ်ပေးတဲ့ အရပ်သား သုံးဦးလည်း သေဆုံးခဲ့ရပါတယ်။
ဗုံးထိမှန်မှုကြောင့် AG ဘုရားကျောင်းတခုလုံး မီးလောင်ပြာကျသွားခဲ့ရတာပါ။
” ဖူနွမ်းရွာက ကနေဒီနဲ့ ၅မိုင်လောက်ဝေးတယ်၊ အောက်ဖက်က ရွာပေါ့နော်။ AG ဘုရားကျောင်းကလည်း အောက်ဘက်နားမှာပဲ ရှိတာ၊ သတင်းပေးရှိလို့ တိတိကျကျကို ဒရုန်းနဲ့ ချသွားတာ။ စုစုပေါင်း ၁၀ဦး ပေါ့နော်။ ” လို့ ဒေသခံတစ်ဦးက ပြောပါတယါ။
ဖူနွမ်းရွာထဲက သက်ကြီးပိုင်း အမျိုးသားတစ်ဦးလည်း ဗုံးစထိမှန်ပြီး ပြင်းထန်ဒဏ်ရာ ရရှိသွားတယ်လို့ သိရပါတယ်။
မေ ၆ ရက်နေ့မှာ စစ်ကောင်စီတပ်က ကနေဒီတောင် စခန်းကို ပြန်လည်နေရာယူနိုင်ခဲ့ပြီး နယ်မြေရှင်းလင်းရေးအနေနဲ့ လေကြောင်းကနေ ဗုံးကြဲတာ၊ အနီးအနား နေရာတွေကို ဒရုန်းနဲ့ ဗုံးကြဲတာတွေ လုပ်နေပါတယ်။
Helen
