တွန်းဇံမြို့တွင် တိုက်ပွဲဆက်တိုက်ဖြစ်ပွား အရပ်သားတစ်ဦးနဲ့ တော်လှန်ရေးရဲဘောတစ်ဦး ကျဆုံး

ချင်းပြည်နယ်၊ တွန်းဇံမြို့ ရဲစခန်းနဲ့ စစ်ကောင်စီတပ်စခန်းကို ချင်းကာကွယ်ရေးပူးပေါင်းတပ်က ဩဂုတ် ၁ ရက်နဲ့ ၂ ရက်နေ့တွင်သွားရောက်ပစ်ခတ်တယ်လို့သတင်းရရှိပါတယ်။

မနေ့ ဩဂုတ်လ ၁ ရက်နေ့ ညတိုက်ပွဲတွင် CDF-Hualngoram တပ်ဖွဲ့ ရဲဘော် Lalramchuana ကျဆုံးသွားကြောင်းသိရတယ်။

ယနေ့ ဩဂုတ်လ ၂ ရက်မနက် ၄ နာရီမှ ၇ နာရီအထိ တွန်းဇံမှာတိုက်ပွဲဖြစ်လည်းဖြစ်ပွားရာ ချင်းကာကွယ်ရေးပူးပေါင်းတပ်ဖွဲ့က ရဲဘော်တစ်ဦး ဒဏ်ရာအနည်းငယ်ရရှိပါတယ်။ ဒီမနက်တွင် တွန်းဇံမြို့ ၊ ခေါဝုန် လေးဆန် ရပ်ကွက်မှာနေထိုင်တဲ့ မွာလ်ပီးရွာသား ကို Ka Cin (၂၅နှစ်) ဟာ ဆိုင်ကယ်နဲ့ထွက်ပြေးနေစဉ် စစ်ကောင်စီတပ်ကပစ်ခတ်လို့ သေဆုံးသွားပါတယ်။

ယင်းတိုက်ပွဲတွင် ချင်းကာကွယ်ရေးပူးပေါင်းတပ်ဖွဲ့မှ CNA, CDF-Hualngoram, CDF-KKG, CDF-Tonzang နဲ့ PDA တို့ပါဝင်ပါတယ်။

အခုလို တိုက်ပွဲဖြစ်ပွားတာကြောင့် တွန်းဇံမြို့တွင်း ရပ်ကွက်အချို့ကပြည်သူတွေထွက်ပြေးကြပါတယ်။ လွန်ခဲ့တဲ့ ဇူလိုင် ၂၇ ရက်က တွန်းဇံမြို့နယ် Lung Tah ကျေးရွာတစ်ရွာလုံး၊ Phai Tuu ကျေးရွာ တချို့တစ်ဝတ်၊ Nak Zang ကျေးရွာ ရွာသားတွေ အကုန်လုံး၊ Tui Tum ကျေးရွာ တချို့တဝက်ဟာ ထွက်ပြေးတိမ်းရှောင်ကြပါတယ်။