ချင်းပြည်နယ် ပလက်ဝမြို့မှာ စစ်တပ်နှင့် ရက္ခိုင့်တပ်တော် အကြားက တိုက်ပွဲများကြောင့် ရေကြောင်းလိုင်းများ ပိတ်ပင်ထားသောကြောင့် ဆန်နှင့် အခြားသော အခြေခံစားသောက်ကုန်များ ပြတ်လပ်တာ ၂ လ ခန့်ရှိနေပြီဖြစ်ပါတယ်။
ပလက်ဝမြို့၏ စားနပ်ရိက္ခာအတွက် အဓိက ကုန်သွယ်ရေးလမ်းကြောင်းဖြစ်တဲ့ ကျောက်တော်-ပလက်ဝ ရေကြောင်းကို စစ်တပ်က စက်တင်ဘာလ ၉ ရက်နေ့တွင် စတင်ပိတ်ပြီးနောက် ယနေ့အချိန်အထိ ကျောက်တော်-ပလက်ဝအကြား ကုန်ပစ္စည်း သယ်ယူပို့ဆောင်လို့ မရသေးပါဘူး။
ထို့ကြောင့် ပလက်ဝမြို့ပေါ်တွင် ဆန်များ ပြတ်လပ်နေသောကြောင့် မြို့ခံများဟာ ရွာဘက်က ဝင်လာသော ဆန်များကို အဓိကထား ဝယ်ယူစားသုံးနေကြပြီး ရွာဘက်က ဆန်ကိုလည်း တစ်အိတ်လျှင် ၈ သောင်း နီးပါးပေးပြီး ဝယ်နေရကြောင်း ဆိုပါတယ်။
“ခုက ဆန်တစ်အိမ်ကို ၁ သိန်းပေးဝယ်ဖို့တောင်မှ အရမ်းကိုရှားသွားပြီ။ မကြာခင် ဆန်ပြုတ်ပဲ သောက်ရတော့မယ့် ကိန်းဆိုက်နေတယ်။ ခုက ရွာဘက်မှာ စပါးရိတ်တော့ မြို့ပေါ်ကို ရွာက ဆန်တွေဝင်လာရင်တော့ နည်းနည်းတော့ သက်သာလာဖို့ မျှော်လင့်ပါတယ်” ဟု မြို့ခံတစ်ဦးက ပြောပါတယ်။
ပလက်ဝမြို့တွင် စားသုံးဆီ ၁ လီတာကို ၇၀၀၀ ကျပ်၊ ကြက်သွန်နီ ၅၀ သားကို ၆၀၀၀ ကျပ်နှင့် အခြားသော ခြေခံစားသောက်ကုန်များကိုလည်း ဈေးအဆမတန်ပေးဝယ်နေရကြောင်း ဆိုပါတယ်။ ပလက်ဝမြို့တွင် လွန်ခဲ့တဲ့ ၅ တုန်းကစပြီး ဒီကနေ့အထိ မီးလည်း မရတော့ကြောင်း မြို့ခံများက ပြောပါတယ်။
