ပြန်ကျင်းပမယ့် တက္ကသိုလ်ဝင်တန်းစာမေးပွဲမှာ ချင်းပြည်နယ်မှ ကျောင်းသူ၊သား ၄၅ ဦး စာရင်းပေးထား

၂၅၊ ဧပြီ၊ ၂၀၂၄

Zalen

စစ်ကောင်စီရဲ့ အစီအစဉ်နဲ့ ပြန်ကျင်းပမယ့် တက္ကသိုလ်ဝင်တန်းစာမေးပွဲကို ‌ပြန်လည်ဖြေဆိုဖို့ ချင်းပြည်နယ်မှာ စာရင်းပေးထားသူ ကျောင်းသူ၊သား ၄၅ ဦးရှိတယ်လို့ ဒေသခံတွေက ပြောပါတယ်။

မတ်လထဲမှာကျင်းပခဲ့တဲ့ တက္ကသိုလ်ဝင်စာမေးပွဲ Grade 12 ကို စာရင်း‌ပေးထားပြီး ဖြေဆိုဖို့ပျက်ကွက်သူတွေအတွက် အထူးအစီအစဉ်အနေနဲ့ ပြန်လည်ကျင်းပတာလို့ စစ်ကောင်စီက ပြောကြားထားပါတယ်။

ချင်းပြည်နယ်မှာ မတ်လထဲမှာကျင်းပခဲ့တဲ့ တက္ကသိုလ်ဝင်တန်းစာမေးပွဲမှာ ဖြေဆိုဖို့ လျှောက်ထားသူ လူဦးရေဟာ တစ်ထောင်ကျော် ရှိခဲ့ပေမယ့် ၄၀၁ ဦးကသာ ဖြေဆိုခဲ့ပါတယ်။

တစ်ပြည်နယ်လုံးမှာ ဖြေဆိုဖို့ ပျက်ကွက်သူ တစ်သောင်းရှစ်ထောင်နီးပါး ရှိခဲ့ပြီး ချင်းပြည်နယ်မှာ ဖြေဆိုဖို့ ပျက်ကွက်သူ ‌ခြောက်ရာကျော်ရှိခဲ့ပေမယ့် ပြန်လည်စာရင်းသွင်းသူ ၄၅ဦး သာရှိခဲ့တာပါ။

တက္ကသိုလ်ဝင်စာမေးပွဲကို ပြည်နယ်နဲ့တိုင်း ၁၄ ခုက မြို့တော်တွေမှာ ဧပြီလ ၂၉ ရက်နေ့ကနေ မေလ ၆ ရက်နေ့အထိ ပြန်ကျင်းပမယ်လို့ စစ်ကောင်စီက ထုတ်ပြန်ထားပါတယ်။

ချင်းပြည်နယ်မှာတော့ တက္ကသိုလ်ဝင်တန်းစာမေးပွဲကို မတူပီမြို့နယ် အမှတ်(၂) အခြေခံအထက်တန်း ကျောင်းမှာ ကျင်းပမှာလို့ သိရပါတယ်။

မတ်လ ၁၁ ရက်က ကျင်းပခဲ့တဲ့ တက္ကသိုလ်ဝင်စာမေးပွဲကို ကျောင်းသား ၁၄၆,၅၂၃ ဦး စာရင်းပေးခဲ့ပေမယ့် ဖြေဆိုသူ ၁၂၈,၈၀၁ ဦးသာရှိခဲ့ပြီး ပျက်ကွက်သူ ၁၇,၈၈၈ ဦး ရှိတယ်လို့ စစ်ကောင်စီက မတ်လ ၁၇ ရက်နေ့မှာ ထုတ်ပြန်ခဲ့ပါတယ်။

Mary

နောက်ဆုံးရသတင်းများ

CDF-Matupi တပ်ရင်း အမှတ် ၆ အိုင်ခါခ်တပ်ရင်း နဲ့ CDF-Matupi လင်းယုန်တပ်ရင်းတို့က Chinland Council နဲ့ ချင်းညီနောင်တို့ကို ထောက်ခံကြကြောင်း အသီးသီးထုတ်ပြန်

၁၂၊ မေလ၊ ၂၀၂၄ Zalen ချင်းပြည်နယ်၊ မတူပီမြို့နယ် အတွင်းမှာ အခြေစိုက်တဲ့ ချင်းလဲန်းကာကွယ်ရေးတပ်ဖွဲ့ မတူပီ တပ်မဟာ ၂၊ တပ်ရင်း အမှတ် ၆၊ အိုင်ဒါခ်တပ်ရင်းက Chinland Council ကိုအပြည့်အဝထောက်ခံတယ်လို့ မေလ ...

ဆက်ဖတ်ရန်