ဝယ်ဆလီဆေးရုံဝန်ထမ်းတစ်ဦး အိမ်အပြန်လမ်းမှာ မအလတပ်ရဲ့ ပစ်ခတ်ဖမ်းဆီးခံရ

ကလေးမြို့၊ တာဟန်းရပ်ကွက်က ပုဂ္ဂလိကဆေးရုံဖြစ်တဲ့ ဝယ်ဆလီဆေးရုံက ညတာဝန်ကျတဲ့ ဝန်ထမ်း ဦးလာလ်စီရန်လျန်နာ-U Lalsiamliana (၂၅ နှစ်)ဟာ မနက်ပိုင်းအိမ်ပြန်စဉ် လမ်းမှာ မအလစစ်တပ်က ပစ်ခတ်ပြီးဒဏ်ရာနဲ့ဖမ်းဆီးခံရပါတယ်လို့သတင်းရရှိပါတယ်။

ဝယ်ဆလီဆေးရုံဝန်ထမ်းတစ်ဦးက “သူက ညတာဝန်ကျတဲ့ မီးစက်ဆရာပါ။ မနက်ပိုင်း ၆ နာရီမှာ ညတာဝန်ကျနဲ့ နေ့တာဝန်ကျလဲတတ်ကြတယ်။ မနက် ၉ နာရီလောက်မှာ အိမ်ပြန်ရင်အခြေအနေဟန်မလာဆိုပြီး လမ်းထောင့်ကနေ သွားကြည့်တာ။ လမ်းထောင့်က ဈေးတန်းနားမှာ ပုန်းနေကြတဲ့ စစ်သားတွေကလှန်းပစ်တဲ့ချိန်မှန်သွားတယ်။ ဗိုက်မှန်တာလာဘယ်နားမှန်လဲဆိုတာ အတိအကျမပြောနိုင်ဘူး။ ဝန်ထမ်း ၂ ယောက်က သူ့ကိုသွားဆွဲဖို့သွားကပ်တဲ့ချိန်မှာ စစ်သားတွေရောက်လာလို့ သူတို့လည်းအပစ်ခံရတယ်။ သေနတ်မမှန်လို့တော်ပါသေးတယ်။ အဲ့လိုနဲ့ စစ်သားတွေ သူ့ကို သယ်သွားကြတယ်။ သူ့ကို စစ်တပ်ဆေးရုံထားမှာ ထားတယ်လို့သတင်းရတယ်” လို့ပြောပါတယ်။

ဦးလာလ်စီရန်လျန်နာ-U Lalsiamliana မြို့လှရပ်ကွက်မှာနေထိုင်ပြီး ကလေး ၃ ယောက်ရဲ့ဖခင်ဖြစ်ပါတယ်။

နောက်ဆုံးရသတင်းများ

YLA က မီဇိုရမ်-ရခိုင်လမ်းကို ပိတ်ဆို့မှုကြောင့် ဘာတွေ ရိုက်ခတ်လာမလဲ?

R. Lakher Young Lai Association (YLA) သည် မကြာသေးမီက အိန္ဒိယနိုင်ငံ Act East Policy နှင့်ကုလားတန်-ဘက်စုံစီမံကိန်းများ  ၏ အစိတ်အပိုင်းတစ်ခုဖြစ်သော အင်ဒို-မြန်မာ အမျိုးသားအဝေးပြေးလမ်းမကြီးကို ဇွန်လ ၂၄ ရက်၊ ...

ဆက်ဖတ်ရန်