၂၂ ၊ နိုဝင်ဘာ ၊ ၂၀၂၃
Zalen
မတူပီမြို့နယ်၊ လိုင်လင်းပီ မြို့ပေါ်ကို အကြမ်းဖက်စစ်ကောင်စီ က လေကြောင်း ဗုံးကြဲ တိုက်ခိုက်မှုကြောင့် အရပ်သားပြည်သူ ၄ ဦးသေဆုံးပြီး စစ်ဘေးရှောင်ပြည်သူ ၃၀၀၀ ကျော်အတွက် စားဝတ်နေရေးနဲ့ကျန်းမာရေးအရေးပေါ်လိုအပ်နေတယ်လို့သိရပါတယ်။
နိုဝင်ဘာလ ၂၀ ရက်နေ့တွင် အကြမ်းဖက်စစ်ကောင်စီရဲ့လေကြောင်း တိုက်ခိုက်မှုကြောင့် တော်လှန်ရေးသမားများ အရေးပေါ်လိုအပ်တဲ့အချိန်ကူညီဖို့ ကျန်ရှိနေတဲ့ ပြည်သူ ၄ ဦးအထိ ထိခိုက်သေဆုံးမှုတွေရှိတယ်လို့သိရပြီး ဦးငိုခါ ရဲ့ ရုပ်အလောင်းကိုတော့ သဂြိုလ် ခဲ့ပြီး လိုင်လင်းပီ Come School မှာ ၁ ဦး ထိတဲ့လူကိုတော့ နိုဝင်ဘာ ၂၁ နဲ့ အလောင်းကောက်ယူနိုင်ခဲ့တယ်လို့သိရပါတယ်။ ကျန်ရှိနေတဲ့ အလာင်း ၂ လောင်း ကိုယခုအချိန်ထိ ကောက်ယူနိုင်ခြင်းမရှိသေးဘူးလို့ ဒေသခံတစ်ချို့ထံမှသိရပါတယ်။
” တိုက်ပွဲဖြစ်မယ်ဆိုတာလဲ ပြည်သူတွေကိုအသိမပေးထားဘူးဆိုတော့ ကျတော်တို့ အလော နဲ့ပြင်ဆင်ပြီး ပြေးထွက်လာကြတော့ စားစရာကအစ ကြိုတင်မစုထားဘူး။ အခုတောထဲမှာဖြစ်သလို နေကြတယ်” လို့ ဒေသခံ တစ် ဦးက Zalen ကိုပြောပါတယ်။
စစ်ဘေးရှောင် ပြည်သူ ၃၀၀၀ ကျော်ထဲမှာ တစ်ချို့က အိန္ဒိယနိုင်ငံဘက် ထွက်ပြေးတိမ်းရှောင် သူတွေလည်းရှိပြီး လိုင်လင်းပီနဲ့ အနီးကျေးရွာ ၉ မိုင် အပါအဝင် တချို့ရွာတွေမှာ ခိုလှုံကြတယ်လို့သိရပါတယ်။
ပြည်သူ၁၀၀၀ ကျော်ဟာ တောထဲ မှာ စစ်ဘေးရှောင် ကြပြီး ” ဆန် တွေလည်း ကျတော်တို့ များများ မသယ်ကြဘူး။ ဆောင်းရာသီဆိုတော့ အအေးမိတာတွေလည်းရှိတယ်။ စစ်ရှောင်နေတဲ့ နေရာတွေကမတူကြတော့ ဆေးဝါးကုသဖို့လည်းအတော်ခက်ခဲတယ်”လို့ ဒေသခံ တစ်ဦးကို ထပ်ပြောပါတယ်။
သတင်း – သမိုင်းသစ်
