Mizzima သတင်းမီဒီယာဝန်ထမ်းဟောင်း ပလက်ဝမြို့နယ် ဆမီးမြို့သား ကိုဂျိမ်းပုထုံဟာ ဧပြီ ၈ ရက်ညက အကြမ်းဖက်စစ်တပ်က သန်လျင်မြို့နေအိမ်တွင် ဖမ်းဆီးခံရတယ်လို့သတင်းရရှိပါတယ်။
ပလက်ဝမြု့သားတစ်ဦးက “သူက အိန္ဒိယမှာကျမ်းစာကျောင်းပြီးတော့ ရန်ကုန်ဆင်းလာပြီး Mizzima မီဒီယာမှာ Admin ပိုင်ဝင်လုပ်တယ်။ သူ့မိဘတွေက ဆမီးမြို့မှာနေတာ။ သူတစ်ယောက်ထဲပဲ ရန်ကုန်မှာနေတယ်။ အဲ့မှာလုပ်လာတာ ၄ နှစ်လောက်ကြာမယ်။ ဘာကြောင့်ဖမ်းတာလဲ၊ ဘယ်မှာထိန်းသိမ်းတာလဲဆိုတာ ခုထိမသိရသေးဘူး” လို့ပြောပါတယ်။
ကိုဂျိမ်းပုထုံဟာ အသက် (၂၇)နှစ်ခန့်ရှိပြီး ၎င်းနဲ့အတူ Mizzima မီဒီယာကို ပူးတွဲတည်ထောင်သူ ဒေါ်သင်းသင်းအောင်လည်းဖမ်းဆီးခြင်းခံရပါတယ်။
Mizzima မီဒီယာကလည်း ၎င်းတို့ နှစ်ဦးဟာ စစ်အာဏာသိမ်းပြီးနောက် အလုပ်မှ တရားဝင်နှုတ်ထွက်ကြပြီလို့ ထုတ်ပြန်ထားပါတယ်။
