၅ ၊ ဇွန် ၊၂၀၂၄
Zalen
ချင်းပြည်နယ်၊မင်းတပ်မြို့၊မနာတာအုပ်စု၊ရမ်ပန်းကျေးရွာကို ဒီနေ့မနက် ၁၂နာရီ မှ ၁၂ နာရီ ခွဲအတွင်း ၄ကြိမ်အထိအကြမ်းဖက်စစ်ကောင်စီ ကဂျက်ဖိုက်တာ ၂စီးဖြင့် လေကြောင်းတိုက်ခိုက်မှုပြုလုပ်ခဲ့တယ်လို့သိရပါတယ်။
အဆိုပါကျေးရွာတွင် တိုက်ပွဲ ဖြစ်ပွားခြင်းလည်းမရှိဘဲ စစ်ကောင်စီက လေကြောင်းဖြင့်အကြောင်းမဲ့တိုက်ခိုက်ခဲ့တာလို့သိရပြီးထိခိုက်ဆုံးရှုံးမှုတွေ၊ပျက်စီးမှုတွေရှိတယ်လို့သိရပါတယ်။
လေကြောင်းတိုက်ခိုက်မှုနဲ့ပတ်သက်လို့”အိမ်ပျက်စီးတာ ၅လုံးထက်မကရှိနိင်တယ်။ သေချာ အသေးစိတ်မသိရသေးဘူး၊တစ်အိမ်လုံးပျက်သွားတာတွေရှိတယ်၊ဒဏ်ရာရတဲ့သူက တစ်ဉီး(ဒေါ်နိုင်းလှီး၊)နဲ့ အသက်ဆုံးရှုံးသူတစ်ဉီး(ဉီးလော ဖေ) လို့ ကနဉီးသိရတယ်၊တစ်ချို့မိသားစုက ပုန်းခိုကျင်းထဲ အချိန်မီ ဝင်လို့ တော်သေးတယ်ပြောရမယ်၊ညသန်ခေါင်ကြီးဆိုတော့ လူတွေအိပ်တဲ့ချိန်လေ၊”လို့ ပြည်သူ့လုံခြုံးရေးတာဝန်ရှိသူတစ်ဉီးက Zalen ကိုပြောပါတယ်။
မင်းတပ်မြို့နယ်ရှိကျေးရွာတွေကိုစစ်ကောင်စီက လေကြောင်းတိုက်ခိုက်မှုတွေ မကြာခဏပြုလုပ်လာပြီးအရပ်သားပြည်သူတွေကို ပိုပြီးပစ်မှတ်ထားတိုက်ခိုက်လာပါတယ်။
မိုးပီအောင်
