ကလေးမြို့တွင် စစ်ကောင်စီကျောထောက်နောက်ခံ ပြည်သူ့စစ်အဖွဲ့အား ဒကစ(ကလေး)၌ ဩဂုတ် ၁၉ က ဆိုင်ကယ်အစီး ၁၂၀ ထောက်ပံ့ခဲ့ကြောင်း စစ်ကောင်စီဝါဒဖြန့် တယ်လီဂရမ်ချန်နယ်များနှင့် လူမှုကွန်ရက်များတွင် ရေးသားကြပါတယ်။
ကလေးမြို့၊ ဒေသကွပ်ကဲရေးစစ်ဌာနချုပ်(ဒကစ)ဝန်းရှိ အောင်ဆန်းခန်းမ၌ ယမန်နေ့က အခမ်းအနားပုံစံဖြင့် ကျင်းပခဲ့ပြီး ခန်းမအတွင်း ဝဲယာဘက်၌ အဆိုပါဆိုင်ကယ်များကို စီတန်းထားပါတယ်။
ပေးအပ်သည့်ဆိုင်ကယ်များမှာ 125/110(ဒေသအခေါ် ရုပ်ဆိုး) ဆိုင်ကယ်အမျိုးအစားများဖြစ်ပါတယ်။
အလားတူ ယနေ့ ဩဂုတ် ၂၀ တွင် မကွေးတိုင်း ပခုက္ကူမြို့နယ်တွင်လည်း ပြည်သူ့စစ်များအား ဆိုင်ကယ်များပေးအပ်ကြောင်း စစ်ကောင်စီအားပေး တယ်လီဂရမ်များတွင် ရေးသားထားပါတယ်။
