ကလေးမြို့နယ်ရှိ တောင်သူ (၁၁၃)ဦးထံ ကိုဗစ်ကုစားမှုအစီအစဉ်အနေနဲ့ ထောက်ပံ့ကြေးပေးမယ်လို့ သတင်းရရှိပါတယ်။
တောင်သူတွေထောက်ပံ့မယ့်အစီအစဉ်ကို မနက်ဖြန် မနက် ၉ နာရီခွဲမှာ မြို့နယ်စုပေါင်းရုံတွင် အခမ်းအနားပြုလုပ်မှာဖြစ်ပါတယ်။
ကလေးမြို့နယ် စိုက်ပျိုးရေး၊ မြို့နယ်ဦးစီးမှူး နိုင်ထွန်းဝင်းက ” ဒါက ချေးငွေမဟုတ်ဘူး။ အပြီးပိုင်ပေးမှာ။ အခမ်းအနားကိုတော့ ကျန်းမာရေးရဲ့ Social Distancing အရ လူ ၃၊ ၄၀ လောက်ပဲဝင်ခိုင်းမယ်။ ကလေးမြို့နယ်မှာ တောင်သူကတော့ သောင်းချီရှိပေမယ့် အကုန်လုံးတော့မပေးနိုင်ဘူးလေ” လို့ပြောပါတယ်။
ကိုဗစ်ကုစားမှုထောက်ပံ့ကြေးအစီအစဉ်ကို တစ်ဧကတွင် တစ်သိန်းခွဲနှုန်း ပေးအပ်မှာဖြစ်ပါတယ်။
