၃၁၊ မေလ၊ ၂၀၂၄
Zalen
ပြီးခဲ့တဲ့မေလ ၂၄ ရက်ညပိုင်းကနေစပြီး မိုးသည်းထန်စွာရွာသွန်းမှုကြောင့် မြေပြိုကာ လမ်းတွေပိတ်ထားတဲ့ ဂန့်ဂေါ-ရေဇွာလမ်းပိုင်း ကို ဒီကနေ့ မေလ ၃၁ ရက်ကစပြီး ပုံမှန်အတိုင်းပြန်လည် သွားလာနိုင်ပြီလို့သိရပါ တယ်။
“ဂန့်ဂေါ-ရေဇွာလမ်း ၄၆ မိုင်မြေပြိုနေရာကို ယနေ့ ၁ နာရီခွဲမှာ လမ်းပြန်ပွင့်သွားပါပြီဖြစ်ကြောင်း သတင်းကောင်းပါးလိုက်ပါတယ်။”လို့ လမ်းပြုပြင်ထိန်းသိမ်းရေးတာဝန်ခံ ဆလိုင်းသေမတ်စ်က အသိပေးထား ပါတယ်။.
အဲဒီမြေပြိုတဲ့ နေရာကို JCB နဲ့ ပြင်လို့မရတာကြောင့် Excavator နှစ်စီးခေါ်ကာ ပြုပြင်ခဲ့တာလို့သိရ ပါတယ်။မနေ့ မေလ ၃၀ ရက်နေ့မှာ လမ်းဖွင့်နိုင်ဖို့မျှော်လင့်ထားပေမယ့် Excavator တစ်စီးက ဒီမနက်ကမှ မြေပြိုတဲ့နေရာကို ရောက်လာကြောင့် ဒီကနေ့မှ ပြင်နိုင်တာလို့ သိရပါတယ်။
ဂန့်ဂေါ-ရေဇွာလမ်းပိုင်းက မတူပီနဲ့ ထန်တလန်မြို့နယ်ထဲက ကျေးရွာ တော်တော်များများကို ချိတ်ဆက်ပေး တဲ့ လမ်းမကြီးဖြစ်ပါတယ်။
သတင်း – Mickey
