မင်းတပ်မြို့နယ် လီလောင်းကျေးရွာနဲ့ မထိုးကျေးရွာကြား မုန်းချောင်းတွင် အောက်တိုဘာ (၁၉)ရက်ည ၇ နာရီခွဲခန့်တွင် လီလောင်းကျေးရွာသူအမျိုးသမီး ၂ ဦးနဲ့ကလေးတစ်ဦးဟာ တောင်ကျချောင်းရေတွင်းမျောပါသွားတယ်လို့သတင်းရရှိပါတယ်။
ကလေးမိခင် ဒေါ်ထက်လီကုန်း (၃၁)နှစ်ရဲ့အလောင်းကို ယင်းညတွင် ကျေးရွာနေပြည်သူတွေကတွေ့ရှိပြီး အသက် (၂၂)နှစ်အရွယ် မလောလီကုန်းရဲ့အလောင်းကို အောက်တိုဘာလ (၂၀)ရက် ညနေ ၄ နာရီခန့်တွင်ထပ်မံတွေ့ရှိပြီး မင်းတပ်ပြည်သူ့ဆေးရုံသို့ပို့ထားပါတယ်။
ဒေါ်ထက်လီကုန်း ရဲ့သမီး (၈)လအရွယ်မိန်းကလေးမူ ဒီနေ့ထိ မတွေ့နိုင်သေးပါ။ မိန်းကလေး ၃ ဦးမျောပါပျောက်သွားတဲ့ မုန်းချောင်းဟာ မင်းတပ်မြို့ကနေ မိုင် (၄၀) အကွာမှာရှိပါတယ်။
