ဧဝံဂေလိတရားဟောဆရာရဲ့ အဓမ္မပြုကျင့်ခြင်းခံရတယ်လို့ယူဆရတဲ့ အသက် (၁၅)နှစ်အောက် မိန်းကလေးနှစ်ဦးဟာ ဒီနေ့ (ဇွန်လ ၂၂)နံနက် ၁၀ နာရီခန့်မှာ ကလေးခရိုင်တရားရုံးက ၎င်းတို့နှစ်ဦးကို အမှုစစ်မယ်လို့သိရပါတယ်။
“အရင်ပတ် ဇွန်(၈)ရက် ပထမရုံးချိန်းမှာ သူတို့ မိဘနှစ်ပါးကို အမှုစစ်ဆေးတယ်”လို့ တရာလို မိန်းကလေးဘက်မှ လိုက်ပါဆောင်ရွက်သူတစ်ဦးကဆိုပါတယ်။
ကလေးမြို့နယ် လက်ပံချောင်းရွာမှာနေထိုင်တဲ့ ဧဝံဂေလိတရားဟောဆရာ Lal Biak Lar@ Lar Boih ဟာ ဖလမ်းမြို့နယ်ကနေ ၎င်းတို့နေအိမ်မှာလာရောက်နေထိုင်တဲ့ မိုင်….(၁၅နှစ်)ကို ၂၀၁၅ ခုနှစ် ဇွန်လပိုင်းမှာလည်းကောင်း၊ မိုင်….(၁၄နှစ်)ကို ၂၀၁၈ ခုနှစ် ဧပြီလမှာလည်းကောင်း အဓမ္မပြုကျင့်တယ်လို့ဆိုကာ ဧပြီလ(၁၃)ရက်တွင် ကလေးမိဘတွေကိုယ်တိုင်က တာဟန်းရဲစခန်းမှာ အမှုဖွင့်လိုက်ပါတယ်။
ဧဝံဂေလိတရားဟောဆရာ Lal Biak Lar@ Lar Boih ကို ရာဇသတ်ကြီးဥပဒေ ပုဒ်မ ၃၇၆(မုဒိမ်းမှု)၊ ၃၂၃(နာကျင်စေမှု)၊ ၅၀၆(ခြိမ်းခြောက်မှု)၊ ၃၇၆/၅၁၁(အားထုတ်မှု) တို့နဲ့ ကလေးခရိုင်တရားရုံးက မေလ (၁၁)ရက်မှာ တရားစွဲတင်ထားပါတယ်။
