၂၀၁၅ ခုနှစ်နောက်ပိုင်း ကလေးမြို့တွင် မနေ့က အပူဆုံးစံချိန်သို့ရောက်ရှိ
ကလေးမြို့တွင် ၂၀၁၅ ခုနှစ်နောက်ပိုင်း မေလ(၉)ရက်နေ့က (၄၃)စင်တီဂရစ်ဟာ အပူအချိန်အမြင့်ဆုံးနေ့ဖြစ်တယ်လို့ ကလေးမြို့ မိုးဇလဌာနထံမှသတင်းရရှိပါတယ်။
ကလေးမြို့မှာ နှစ်ပေါင်း (၂၀)အတွင်း အမြင့်ဆုံးအပူချိန်ဟာ ၂၀၁၀ ခုနှစ် မေလက အပူချိန် ၄၃ ဒသမ ၇ ထိရောက်ရှိခဲ့ပါတယ်။ ၂၀၁၂ ခုနှစ်တွင် အပူချိန် ၄၃ ဒသမ ၅၊ ၂၀၁၃ နဲ့ ၂၀၁၄ ခုနှစ်တွင် အပူချိန် ၄၃ ထိရောက်ရှိခဲ့ကြပါတယ်။
ကလေးမြို့နယ် မိုးဇလဌာနက ဦးတင်စိုးက “မနေ့တုန်းက အပူဒဏ်ကိုဘယ်လိုခံစားရလဲဆိုတော့ ထိုင်လိုက်တဲ့နေရာတိုင်းက ပူနေတယ်။ လေအေးလည်းမရဘူး။ လေက ပူနေတယ်။ လောလောဆယ် မုတ်သုံတော့ ဝေးသေးတယ်။ မေလ (၁၈) ရက်မှာ မိုးဝင်နိုင်တယ်လို့ ဌာနကတော့ ခန့်မှန်းထားတယ်။ မိုးကျမှပဲ အပူလျော့မယ်” လို့ပြောပါတယ်။
သြင်္ကန်ကာလကစပြီး ကလေးမြို့မှာ အပူချိန် ၄၁ ထိ မြင့်တက်လာပြီး အခုချိန်မှာ ရေတွင်းရေတွေခမ်းခြောက်လို့ ပြန်လည်တူးဖော်ကြပါတယ်။
