ဧပြီလ ၁၈ ရက်မနက်ပိုင်းတွင် စစ်ကောင်စီကား ၄ စီး ကလေးမြို့ကနေ တီးတိန်မြို့နယ်ဘက်သို့တက်သွားတဲ့ကားများ မနေ့ဧပြီ ၂၅ ရက်တွင်ကလေးမြို့သို့ပြန် ဝင်လာတာကြောင့် ယနေ့ဧပြီ ၂၆ ရက်ကစပြီး ကလေး-သိုင်းငင်းကားလမ်းပြန်သုံးလို့ရပြီလို့ CDF CDM SIYIN ကထုတ်ပြန်ထားပါတယ်။
စစ်ကောင်စီကားများကို ဧပြီ ၁၉ ရက်တွင် သိုင်းငင်းရွာနဲ့ ကနေဒီတောင်ကြားတွင် CDF CDM SIYIN က နှစ်ကြိမ် မိုင်းဆွဲတိုက်ခိုက်ခဲ့ပြီး ၃ နာရီကျော်ကြာ အပြန်အလှန်ပစ်ခတ်ကြပါတယ်။ စစ်ကောင်စီကားများ ကနေဒီတောင်ကနေ သိုင်းငင်းရွာဘက်ပြန်လှည့်လာကြပါတယ်။
ဧပြီ ၂၂ ရက်မနက် ၈ နာရီဝန်းကျင်တွင် သိုင်းငင်းရွာမှ ကလေးမြို့သို့ပြန်လှည့်လာတဲ့ စစ်ကောင်စီများကို CDF CDM SIYIN ရဲဘော်များက မိုင်းဆွဲတိုက်ခိုက်ပြီး ၂ နာရီကျော်ကြာ အပြန်အလှန်ပစ်ခတ်ကြတယ်။
ဧပြီ ၂၃ ရက်တွင် ကလေးမြို့ကနေ စစ်ကြောင်း နှစ်ကြောင့် တောလမ်းကနေခြေလျင်ဖြင့် စီးယင်းနယ်မြေထဲတပ်ကူတက်လာကြပါတယ်။
ဧပြီ ၂၄ ရက် မနက် ၇ နာရီတွင် စစ်ကောင်စီယာဉ်များကို CDF CDM SIYIN နဲ့ PDF-Zoland တို့က မိုင်းဆွဲတိုက်ခိုက်ပြီး တစ်နာရီကျော်အပြန်အလှန်ပစ်ခတ်ကြပြီး ကလေးမြို့ကနေ အကြိမ် ၂၀ မက ၁၂၀ မမ လက်နက်ကြီးဖြင့်ပေးကြပါတယ်။ စစ်ကောင်စီတပ်က ကလေးမြို့ကနေတက်လာတဲ့ ခရီးသည်ယာဉ်များကိုတားဆီးကာ ခရီးသွားပြည်သူများကိုလူသားဒိုင်းအဖြစ်ဖမ်းဆီးခေါ်ဆောင်သွားကြပါတယ်။
ဧပြီ ၂၅ ရက်တွင် တောလမ်းကနေခြေလျင်ဖြင့်တက်လာတဲ့ စစ်ကောင်စီတပ်များက လက်နက်ကြီးများဖြင့် ရမ်းသမ်းပစ်ခတ်ကြပါတယ်။ ခရီးသွားပြည်သူများ လူသားဒိုင်းအဖြစ်ဖမ်းဆီးခေါ်ဆောင်တာကြောင့် ဒေသကာကွယ်ရေးတပ်ကပြန်လည်တိုက်ခိုက်ခြင်း မပြုတော့ပါ။
လူသားဒိုင်းအဖြင့် စစ်ကောင်စီများဖမ်းဆီးခေါ်ဆောင်ထားတဲ့ ခရီးသွားပြည်သူများ မနေ့ ဧပြီ ၂၅ ရက်တွင် ကလေးတက္ကသိုလ်တွင် ညအိပ်ခိုင်းပြီး ဒီနေ့မနက်ပိုင်းတွင် ၎င်းတို့ကိုပြန်လွတ်ကြပါတယ်လို့သိရတယ်။ ဖမ်းဆီးခံရစဉ် ခရီးသွားပြည်သူများရဲ့ ဖုန်းများလည်း စစ်ကောင်စီတပ်သားများက သိမ်းဆည်းထားကြကြောင်းသိရတယ်။
