ကလေးမြို့နယ် မြောင်းစုံကျေးရွာမှာ ချောင်းရေလျှံလို့ လူနေအိမ် ၂၅ လုံးတွင်ရေဝင်
ကလေးမြို့နယ် အနောက်တောင်ဘက် မြောင်းစုံကျေးရွာထဲ စီးဆင်းနေတဲ့ ချောင်းရေလျှံလို့ လူနေအိမ် ၂၅ လုံးအတွင်း ရေဝင်သွားကြောင်းသတင်းရရှိပါတယ်။
မနေ့ည ၁၁ နာရီခန့်ကစပြီးမိုးများရွာသွန်းတာကြောင့် ဒီမနက် ၄ နာရီတွင် ချောင်းရေလျှံလာခြင်းဖြစ်ပါတယ်။
မြောင်းစုံကျေးရွာအုပ်ချုပ်ရေးမှူး ဦးရာလ်လျန်မန်က “ရွာရဲ့အရှေ့ဘက် ချောင်းရေလျှံတာပါ။ လူနေအိမ်တွေထဲရေဝင်တော့ ဒီမနက်ထမင်းလည်း သူများအိမ်မှာသွားချက်နေကြတယ်။ ရေများတာကြောင့် ချောင်းထဲက သစ်တံတားကိုလည်း စက်ကြီးပျက်လိုက်တယ်။ ဘာကြောင့်ရေလျှံတာလဲဆိုရင် ချောင်းထဲမှာ သဲတွေအနည်ထိုင်တာများတော့ ချောင်းက ပိုတိမ်းတာတယ်။ အစိုးရဆီမှာလည်း ချောင်းပြန်ဖော်ပေးဖို့တောင်းထားတယ်။ စာတော့မတင်ရသေးဘူး။ ရွာအရှေ့ဘက်က လယ်တွေလည်း ဘယ်လောက်ပျက်စီးသွားလဲမသိရသေးဘူး” လို့ပြောပါတယ်။
၂၀၁၅ ခုနှစ်ကစပြီး မကြာခဏချောင်းရေလျှံလျက်ရှိပြီး ကျေးရွာလူထုတွေက ကိုယ်ထူကိုယ်ထူနဲ့ ချောင်းတံတားပြုပြင်ကြပါတယ်။