အာဏာသိမ်း အကြမ်းဖက် စစ်ကောင်စီတပ်သားများဟာ မတူပီမြို့နယ် မင်းတပ်-မတူပီလမ်းမအနီးတွင် ဇွန်လ ၆ ရက်ကစပြီး ထိုးစစ်ဆင်တာကြောင့် မင်းတပ်-မတူပီလမ်းကို မိဘပြည်သူများအသုံးမပြုကြဖို့ CDF-Mindat က ထုတ်ပြန်သတိပေးထားပါတယ်။
မတူပီမြို့အခြေစိုက် စစ်ကောင်စီတပ်စခန်းများမှ အင်အား ၁၂၀ ခန့်ရှိစစ်ကြောင်းဟာ ဇွန်လ ၆ ရက်မနက်ပိုင်းတွင် မင်းတပ်-မတူပီလမ်းမကြီး အောက်ဘက်ရှိ ရမ်တိန်းကျေးရွာဟောင်း အတွင်းသို့ လက်နက်ကြီး၊ လက်နက်ငယ်များဖြင့် ပစ်ခတ်ကာရွာတွင်းသို့ ဝင်ရောက်စီးနင်းခဲ့ကြတယ်။
အဲ့ဒီနေ့ မနက် (၉) နာရီခန့်တွင် Chinland Defense Force-Matupi ဖက်မှ စစ်ကောင်စီတပ်အား လက်နက်ကြီး၊ လက်နက်ငယ်များဖြင့် ဝင်ရောက်ပစ်ခတ်ခဲ့ရာ စစ်ကောင်စီဖက်မှ ကျေးရွာ အထက် (၂) မိုင်အကွာသို့ စစ်ကြောင်းဆုတ်ခွာစခန်းချခဲ့ကြ တယ်။
