ဖလမ်းမြို့နယ် လွန်ခွားကျေးရွာ(Lunkhua) ဒီနေ့ နံနက် (၈း၃၀)မှာ တောင်ယာသွားစဉ် အိမ်တစ်လုံးမီးလောင်သွားတယ်လို့သတင်းရရှိပါတယ်။
ဦးဗန်လျန်ထန်တို့မိသားစုဟာ နံနက်ပိုင်းတောင်ယာသွားကြပြီး အိမ်မှာ အဖွားတစ်ယောက်နဲ့ (၃)နှစ်အရွယ်ကလေးတစ်ယောက်သာ အိမ်မှာထားခဲ့ပါတယ်။ လွန်ခွားရွာဟာ အိမ်ခြေ (၁၈)အိမ်ရှိပြီး ဒီမနက်ရွှာထဲမှာတော့ ကာလသား(၆)ယောက်လောက်သာရှိပါတယ်။
လွန်ခွားကျေးရွာ တည်နေရာ
လွန်ခွားရွာသား ဦးလောမ်ဇွာလ်က “မီးစလောင်တာက မီးဖိုဘက်ကစလောင်းတာပါ။ မီးလောင်တယ်လို့သိတဲ့ချိန်မှာ အိမ်ထဲမှာမီးကူးနေပါပြီ။ ဒါကြောင့် ဘာပစ္စည်းမယူနိုင်ကြဘူး။ ရွာနီးနားကလူတွေကလည်း လာကူကြပါတယ်။ တခြားအိမ်မီးမကူးအောင်ပဲ မီးတားလို့ရတယ်။ အိမ်တော့ ပြာကျသွားတာပေါ့။ အခု ယာယီတဲလေးဆောက်နေကြပါတယ်”လို့ပြောပါတယ်။
လွန်ခွားကျေးရွာဟာ ဖလမ်းမြို့ကနေ မိုင်(၂၀)ဝေးပြီး ဖလမ်း-ရိမ်လမ်းအနီးမှာရှိပါတယ်။ ဦးဗန်လျန်ထန်မှာ ကလေးသုံးယောက်ရှိပြီး အငယ်ဆုံးကလေးက (၃)နှစ်သားဖြစ်ပါတယ်။