၃၊ဇွန်၊၂၀၂၄
Zalen
စစ်ကိုင်းတိုင်း၊မင်းကင်းမြို့နယ် မတောရွာမှာ မင်္ဂလာဆောင်ပွဲကို စစ်ကောင်စီက တိုက်လေယာဉ်နဲ့ဗုံးကြဲခဲ့ပြီး ကလေးငယ်အပါအဝင် အရပ်သား ၂၀ကျော်သေဆုံးပြီး ၄၀ကျော်ဒဏ်ရာရထားတယ်လို့သိရပါတယ်။
ဇွန်လ ၃ရက် ယနေ့မနက် ၈နာရီမှာ မကွေးလေတပ်ကနေ MiG-29အမျိုးစား တိုက်လေယာဉ်နဲ့ ပကဖအဆင့်ရှိ မခင်နှင်းဆီရဲ့ မင်္ဂလာဆောင်ပွဲကိုပေါင် ၅၀၀ဗုံး၂လုံး ကြဲခဲ့ပြီး ကလေးငယ်အပါအဝင် မင်္ဂဆောင်တက်ရောက်သူ ၂၀ကျော်သေဆုံးခဲ့ရတာဖြစ်ပါတယ်။
“ဒလန်သတင်းပေးမှုလို့ယူဆရတယ်။အလောင်းတွေလည်း အကုန်မကောက်နိုင်သေးဘူး။စကစဘက်က လက်နက်ကြီးနဲ့ ဆက်ပစ်နေတုန်း။အလောင်းတွေစုတ်ပြတ်သတ်သွားတာတွေများတယ်”လို့ မင်းကင်းဒေသခံတစ်ဦးကပြောပါတယ်။
ဗုံးကြဲခံရမှုကြောင့် သတိုးသားနဲ့ သတိုးသမီးလည်း သေဆုံးခဲ့ပြီး ကလေးငယ်အနည်းဆုံး ၃ဦးသေဆုံးကာ ဒဏ်ရာရသူများကို အချိန်မှီဆေးမကုနိုင်ရင်သေဆုံးမှုတွေထပ်ရှိလာနိုင်တယ်လို့ ၎င်းကပြောထားပါတယ်။
HAK
