မေ ၂၁၊၂၀၂၆
Zalen
ချင်းပြည်နယ် ၊မင်းတပ်မြို့အနီး စိချဲ့ရပ်ကွက်ကို ယမန်နေ့ညနေ ၅ နာရီ ၀န်းကျင်မှာ စစ်ကောင်စီက လေကြောင်းက နေဗုံးကြဲတိုက် ခိုက်လို့ ပျက်စီး၊ထိခိုက်မှုတွေရှိတယ်လို့ ဒေသခံ တွေထံကသတင်းရရှိပါတယ်။
အဆိုပါလေကြောင်းတိုက်ခိုက်မှုမှာ ရှမ်းတဲ လေတပ်ကနေတက်လာတဲ့ ဂျက်ဖိုက်တာ နှစ် စီးက ပေါင် ၂၅၀ အားရှိတဲ့ ဗုံးသီး ၄ လုံးကို ကြဲချ ခဲ့တာကြောင့် စာသင်ဆောင်ထိခိုက်ပျက်စီး မှုတွေ ရှိတယ်လို့ဆိုပါတယ်။
” စိချဲ့ ရပ်ကွက်က စာသင်ကျောင်းကိုကြဲတာ။ စာသင်ကျောင်းကတော့ အကုန်ပျက်စီးသွားတယ်” လို့ မင်းတပ်မြို့ပေါ် ဒေသခံတဦးက Zalen ကိုပြောပါတယ်။
ဆက်လက်ပြီး လေယာဉ်ဗုံးကြဲ တိုက်ခိုက် မှုကြောင့် လူထိခိုက်မှု ရှိ၊မရှိ ကိုတော့ အသေး စိတ် မသိရှိရသေးဘဲ ဆက်လက်စုံစမ်းနေဆဲဖြစ်တယ်လို့ သူက ရှင်းပြပါတယ်။
ပြီးခဲ့တဲ့ မေလ ၁၈ ရက်နေ့ကလည်း မင်းတပ်မြို့ပေါ် အနောက်ရပ်ကွက်ကို စစ်ကောင်စီက ပေါင် ၅၀၀ နှစ်လုံးဗုံးကြဲလို့ ၃ ဦးထိခိုက်ဒဏ် ရာရရှိခဲ့ပြီး ၊အရပ်သားလူနေအိမ်တွေအများအပြား ပျက်စီးခဲ့တာဖြစ်ပါတယ်။
သတင်း – မိုးပီအောင်
ဓာတ်ပုံ -ပုံဟောင်း
