မကွေးတိုင်း၊ အထက်မင်းလှမြို့နယ်အတွင်းရှိ ကြမ်းဖက်စစ်ကောင်စီလက်အောက်တွင် တာဝန်ထမ်းဆောင်နေကြသော ရပ်ကွက်၊ကျေးရွာအုပ်ချုပ်ရေးမှူး (၇၆) ဦးအား နာမည်နဲ့တကွ ဖော်ပြပြီး နိုင်ငံသစ္စာဖောက်အဖြစ် Upper Mihla PDF က ဇွန်လ ၉ ရက် ဒီကနေ့ ထုတ်ပြန်ထားသည်။
ထို့အပြင် ၎င်းပုဂ္ဂုလ်များနှင့်ပတ်သက်ပြီး ကိုယ်ရေးအချက်လက်များနှင့် ရုပ်ပုံများကိုလည်း စုံစမ်းရရှိထားပြီး၊ သတ်မှတ်ချက်ကာလအတွင်း ပြည်သူလူထုထံ ပူးပေါင်းလာခြင်းမရှိပါက ထိရောက်သော အရေးယူမူ ဆောင်ရွက်မည်ဟု ဆိုသည်။
အထက်မင်းလှမြို့နယ်ပြည်သူ့ကာကွယ်ရေးအဖွဲ့ (ပကဖ)သည် အထက်မင်းလှမြို့နယ်တွင် မကွေးတောင်ပိုင်း ပြည်သူ့ကာကွယ်ရေးတပ်ဖွဲ့ (Southern Magway People ‘s Depends Force)၊ အရှို(ချင်း) ပြည်သူ့ကာကွယ်ရေး တပ်ဖွဲ့(ACDF)၊Key of Revolution ပျောက်ကြားတပ်ဖွဲ့တို့နှင့်အတူ စစ်ရေးလှုပ်ရှားပြုလုပ်လျက်ရှိသည်။
