PR၊ ၂၃၊ အောက်တိုဘာ၊ ၂၀၂၃။
Zalen
စစ်ကိုင်းတိုင်းဒေသကြီး၊ တမူးမြို့နယ်၊ ဟဲဇင်းအုပ်စု စိုက်ခင်းတော အခင်းတဲတစ်တဲတွင်ဦးေသာင်းဘိုဆိုသူ ပစ်သတ်ခံရတယ်လို့သတင်းရရှိပါတယ်။
စစ်ကိုင်းတိုင်းဒေသကြီး တမူးမြို့နယ် ဟဲဇင်းကျေးရွာအုပ်စု တွင်ရွှေလမ်ပိုငရုပ်ခြံလုပ်ကိုင်နေသူဦးသောင်းဘို အသက်(၆၀)ခန့်ဟာ အောက်တိုဘာ ၁၇ ရက်နေ့ည သန်ခေါင်ခန့်တွင်သေနတ်ဖြင့်ပစ်သတ်ခံရတယ်လို့ ဒေသခံတစ်ဦးထံမှသိရတယ်။
သူသေဆုံးတာကိုအနီးနားကတဲတွေကသတိမထားမိဘဲ အောက်တိုဘာ ၁၈ ရက်နေ့လည် ၁၁ နာရီခန့်မှသွားတွေ့ကြတော့သူသေနေပြီးဦးခေါင်းကိုသေနတ်နဲ့ပစ်သွားတာလို့သိရတယ်။
သူကညကတည်းကပစ်သတ်ခံရတာဖြစ်နိုင်ပြီးဘယ်သူ့လက်ချက်လည်းဆိုတာကျေတာ်တို့လည်းမသိရဘူးလို့ပြောပြပါတယ်။
အလောင်းကိုကားလမ်းထိလူနဲ့ဝိုင်းသယ်ကြပြီးတမူးမြို့လူမူကူညီရေးအသင်းကားနဲ့တမူးပြည်သူ့ဆေးရုံကိုသယ်ဆောင်သွားတယ်လို့ နီးစပ်သူတစ်ဦးထံမှသိရတယ်။
သေဆုံးသူဦးသောင်းဘိုဟာ ဘာရန်ငြိုးရန်စမှရှိသူမဟုတ်ဘဲ ရွှေလမ်ပိုငရုပ်ခြံလုပ်ငန်းဖြင့် အသက်မွေဝမ်းကြောင်းသူဖြစ်ပြီး အရင်ကလည်းတမူးမြို့နယ် ကွန်းတောင်းကျေးရွာစုတွင်ရွှေလမ်ပိုငရုပ်ခြံနဲ့ အခြားအသီးအနှံများစိုက်ပျိုးလုပ်ကိုင်ခဲ့သူ တစ်ဦးဖြစ်ပါတယ်။
