၂၆ အောက်တိုဘာ၊ ၂၀၂၃
Zalen
စစ်တပ်ကအာဏာသိမ်းပြီးနောက်ပိုင်း (၉၉၇)ရက်အတွင်း မြန်မာနိုင်ငံအနှံ့မှာ အရပ်သားပြည်သူ (၄၁၅၇)ဦးအထိ အကြမ်းဖက်သတ်ဖြတ်ခံထားရတယ်လို့ နိုင်ငံရေးအကျဥ်းသားကူညီစောင့်ရှောက်ရေးအသင်း (AAPP) က အောက်တိုဘာ ၂၅ရက်နေ့မှာ ထုတ်ပြန်ထားပါတယ်။
အာဏာသိမ်းမှုနဲ့ဆက်လျဥ်းပြီး ဖမ်းဆီးခံရသူဦးရေ စုစုပေါင်း (၂၅,၃၄၄)ဦးရှိလာပြီးပြလည်လွတ်မြောက်လာသူဦးရေ စုစုပေါင်း(၅,၇၂၁)ဦးဖြစ်တယ်လို့ သိရပါတယ်။
AAPP ရဲ့ စာရင်းပြုစုချက်အရ ၂၀၂၃၊ဇန်နဝါရီလမှ အောက်တိုမှ ၂၅ရက်နေ့အထိစစ်ကောင်စီရဲ့ သတ်ဖြတ်မှုကြောင့်နိုင်ငံတဝှမ်းအမျိုးသမီးဦးရေ ၂၉၃ဦး သေဆုံးခဲ့ရပြီး လက်နက်ကြီးကြောင့်သေဆုံးရသူ ၉၇ဦးအထိရှိတယ်လို့ဆိုပါတယ်။သေဆုံးခဲ့သူအမျိုးသမီးဦးရေ (၂၉၃)ဦးထဲက (၁၅၂)ဦးနဲ့စစ်ကိုင်းတိုင်းတိုင်းက အများဆုံးလို့သိရပါတယ်။
စစ်ကောင်စီရဲ့ အကြမ်းဖက်သတ်ဖြတ်မှုကြောင့် ရန်ကုန်မြို့မှ သေဆုံးသူ အများဆုံး ရှိခဲ့ပါတယ်။
စစ်အာဏာသိမ်းမှုနဲ့ဆက်လျဥ်းလို့ ဖမ်းဆီးခံရသူ စုစုပေါင်း (၂၅,၃၄၄)ဦးထဲက(၁၉,၆၂၃)ဦးမှာထိန်းသိမ်းခံနေရဆဲဖြစ်ပြီး ဖမ်းဆီးခံရသူအနက် ထောင်ဒဏ်ချမှတ်ခံရသူဦးရေ စုစုပေါင်း (၇,၈၄၇)ဦးရှိတယ်လို့သိရပါတယ်။
ဒေမီယံ
