၂၊ ဖေဖော်ဝါရီ၊ ၂၀၂၄
Zalen
မလေးရှားနိုင်ငံ၊ perak ပြည်နယ် Bidor လူဝင်မှုကြီးကြပ်ရေးဌာနမှ ဖမ်းဆီးထိမ်းသိန်းထားတဲ့ ရိုဟင်ဂျာ လူမျိုး ၁၃၁ ဦးဟာ မနေ့ မလေးစံတော်ချိန် ည ၉း၅၀ မိနစ်ချိန်မှာ အချုပ်ခန်းဖောက်ထွင်းပြီး ထွက်ပြေးသွားကြတယ်လို့ မလေးရှား လဝက အဖွဲ့က သတင်းထုတ်ပြန်ထားပါတယ်။
ထွက်ပြေးလွတ်မြောက်သွားတဲ့ ရိုဟင်ဂျာ ၁၃၁ ဦးထဲမှ ၁ ဦးမှာ ယာဥ်တိုက်မူဖြစ်ပြီး သေဆုံးကာ ကျန်ထွက်ပြေး လွတ်မြောက်နေဆဲဖြစ်တဲ့ ၁၃၀ ဦးကို မလေးရှား လဝကအဖွဲ့တွေက မနေ့က ရှာဖွေမူတွေ ပြုလုပ်နေတယ်လို့ သိရပါတယ်။
” ဒီမနက်မှာ ပဲရတ်နဲ့ ဟိုင်းဝေးလမ်းတွေမှာ ထွက်ပြေးလွတ်မြောက်သွားတဲ့သူတွေကို လမ်းဘလော့လုပ်ပြီး ပိုက်စိပ်တိုက်ရှာနေပါတယ်။ အိမ်စီးကားနဲ့ လိုင်းကားတွေကိုလည်း တားဆီးမူတွေ လုပ်ပြီး စစ်ဆေးနေပါတယ်။”လို့မလေးရှားရောက် မြန်မာ တစ်ဦးက Zalen ကို ပြောပါတယ်။
ဒီနေ့ မနက် မလေးရှား လဝက၊ Royal Malaysian Police (PDRM)၊ General Operations Force (PGA) နဲ့ Malaysian Volunteer Department (RELA)မှ တပ်ဖွဲ့ဝင် ၂၇၅ ဦးဖြင့် နေရာအနှံ့ တပ်ဖြန့်ပြီး ရှာဖွေမူတွေ ဆက်လက်ပြုလုပ်နေတယ်လို့ ဆိုပါတယ်။
ဒါ့အပြင် ထွက်ပြေးလွတ်မြောက်သွားတဲ့ ရိုဟင်ဂျာလူမျိုးတွေနဲ့ ပတ်သက်ပြီး သတင်းအချက်လက်တွေကို ပြည်သူတွေ ပေးပို့ဖို့လည်း မလေးရှား လဝကအဖွဲ့မှ တောင်းဆိုထားပါတယ်။
သတင်း-ဗခေတ်
