တမူးမြို့တွင် ဗုံးပေါက်ကွဲမှု ဖြစ်ပွား
စစ်ကိုင်းတိုင်းဒေသကြီးနဲ့ အိန္ဒိယနယ်စပ်မှာရှိတဲ့ တမူးမြို့တွင် ဇွန်လ ၁၈ ရက် ည ၉း၃၄ အချိန်တွင် ဗုံးတစ်လုံးပေါက်ကွက်သွားတယ်သတင်းရရှိပါတယ်။
တမူးမြို့စော်ဘွားအင်း(၈/က)ရပ်ကွက်၊ သစ်ခွလမ်းသွယ် နဲ့ ခရေလမ်းသွယ်(၁)နေထိုင်တဲ့ ချင်းလူမျိုး ဦးရန်ကျော်(နေအိမ်တွင်မရှိ) (၄၄)နှစ် ရဲ့ နေအိမ်ခြံစည်းရိုး၌
ပေါက်ကွဲမှုဖြစ်ပွားခဲ့ပြီး ပေါက်ကွဲမှုကြောင့်နေအိမ်ခြံစည်းရိုးတွင်ကာရံထားသော(၂”x၁”)
သစ်သားခြံစည်းရိုး(၅)ပေခန့် ကျိုးပဲ့ပျက်စီးခဲ့ပြီးခြံစည်းရိုးဒေါင့် ပိန္နဲပင်ခြေရင်းတွင် အနက်(၅)လက်မခန့် အကျယ်(၁)ပေခန့် ကျင်းတစ်ခုဖြစ်ပေါ်ခဲ့ပြီး နေအိမ်အောက်ထပ်ပြူတင်းပေါက် တံခါး(၁)ရွက်ကျိုးပဲ့ ပျက်စီးခဲ့ပြီးလူ/တိရစ္ဆာန် ထိခိုက်ဒဏ်ရာ မရရှိကြောင်းသိရှိရပါတယ်။
ပေါက်ကွဲမှုဖြစ်စဉ်နှင့်ပတ်သက်၍ ဦးရန်ကျော်သည်နေအိမ်တွင်မရှိပဲ အိမ်အတွင်း၌
၎င်း၏ဇနီးဖြစ်သူဒေါ်ဆိုဖီနိုင်နဲ့ သမီးဖြစ်သူ ဇူးဇူး တို့(၂)ဦးသည်နေအိမ်အတွင်း၌ရှိနေခဲ့ကြောင်း၊
ပေါက်ကွဲမှုမဖြစ်ပွားခင်၌ တမူးမြို့တွင် လျှပ်စစ်မီးများ ပြတ်တောက်လျက်ရှိကြောင်း၊
ပေါက်ကွဲမှုမဖြစ်ပွားမီ ဆိုင်ကယ်သံများကြားရပြီး ခြံစည်းရိုးအနီးသို့ရောက်ရှိ၍
ဆိုင်ကယ်များပြန်လည်မောင်းနှင်ထွက်သွားပြီး နောက်(၅)မိနစ်ခန့်အကြာတွင်
ပေါက်ကွဲမှု ဖြစ်ပွားခဲ့ကြောင်း သိရှိရပါတယ်။
ဦးရန်ကျော်အိမ်အနီးမှာနေထိုင်သူတစ်ဦးက “ပေါက်ကွဲမှုဖြစ်တဲ့ချိန် မြေကြီးတွေတုန်ခါသွားတာပဲ” လို့ပြောပါတယ်။
