လေမြိုချောင်းမှာရေနစ်သေဆုံးသွားတဲ့သူကို ၃ ရက်ကြာမှ အလောင်းပြန်တွေ့
သူငယ်ချင်းတွေနဲ့ ငါးရှာထွက်ရင်း လေမြိုချောင်းမှာ ရေနစ်သေဆုံးသွားတဲ့ ဦးဗန်နေထန်း(U Van Nei Thang) ၄၂ နှစ်ရဲ့ အလောင်းကို ဒီနေ့ နေ့လည် ၁၂ နာရီမှာပြန်တွေ့ကြတယ်လို့သတင်းရရှိပါတယ်။
မတူပီမြို့ စန်ဘောင်ရပ်ကွက်မှာနေထိုင်တဲ့ ဦးဗန်နေထန်းဟာ ဇူလိုင် ၁၇ ရက်တွင် သူငယ်ချင်း နှစ်ယောက်နဲ့ ငါးရှာဖို့တောထဲသွားကြပါတယ်။ လေမြိုချောင်းကိုဖြတ်ကူးပြီးတစ်ဖက်ကမ်းရောက်တဲ့ချိန်မှာ အပေါ့သွားမယ်ဆိုပြီး ပြန်မပေါ်လာတော့ပါ။ ၎င်းသူငယ်ချင်းနှစ်ယောက်ကလည်း လိုက်လံရှာဖွေရာမှမတွေ့သဖြင့် ယင်းနေ့ည ၁၀ နာရီတွင်အဖွဲ့လိုက်စတင်ရှာဖွေကြပါတယ်။ ဒီနေ့ ဇူလိုင်လ ၂၀ ရက်တွင် မတူပီမြို့နယ်နဲ့ မင်းတပ်မြို့နယ် အစပ် အမ်ဆွေးရွာအနီးမှာ အလောင်းကိုပြန်တွေ့ကြပါတယ်။ ၎င်းရေထဲပြုတ်ချသွားတဲ့နေရာနဲ့ အလောင်းပြန်တွေ့တဲ့နေရာဟာ မိုင် ၃၀ နီးပါးလောက်ကွာဝေးပါတယ်။
ဦးဗန်နေထန်းဟာ ဇနီးနဲ့ ကလေးနှစ်ယောက်ရှိပါတယ်။
