ဒီနှစ် နိုဝင်ဘာလ (၈)ရက်တွင် ကျင်းပမယ့် အထွေထွေရွေးကောက်ပွဲမှာ ကလေးမြို့တွင် မဲဆန္ဒပေးပိုင်ခွင့်ရှိသူ ၂၇၃,၁၆၈ ဦးရှိတဲ့ထဲမှာ ချင်းတိုင်းရင်းသား မဲပေးပိုင်ခွင့်ရှိသူ ၁၃၀,၀၀၀ ကျော်ရှိတယ်လို့ ကလေးမြို့နယ် ရွေးကောက်ပွဲကော်မရှင်အဖွဲ့ခွဲ ဥက္ကဌ ဦးဂင်ခန့်ပေါင် ထံကသတင်းရရှိပါတယ်။
မဲထည့်ဖို့ မဲရုံ (၁၉၅)ရုံဖွင့်လှစ်မှာဖြစ်ပြီး ၂၀၁၅ အထွေထွေရွေးကောက်ပွဲထက် မဲရုံ ၂၀ တိုးထားတယ်လို့သိရပါတယ်။
မဲရုံတွင် အရင်က မဲစာရင်းထုတ်ပေးသူနဲ့ စစ်ဆေးသူဟူ၍ ၂ ဦးရှိပြီး ဒီနှစ်မှာတော့ ၄ဦးထားရှိမယ်လို့ ကလေးမြို့နယ် ရွေးကောက်ပွဲကော်မရှင်အဖွဲ့ခွဲ ဥက္ကဌထံမှသတင်းရရှိပါတယ်။
၂၀၁၅ ခုနှစ် အထွေထွေရွေးကောက်ပွဲတွင် ကလေးမြို့မှာ မဲပေးပိုင်ခွင့်ရှိသူ ၂၃၅,၂၃၁ ဦးရှိပြီး မဲပေးသူ ၁၆၂,၈၀၄ ဦး ရှိပါတယ်။
စစ်ကိုင်းတိုင်းဒေသကြီးတွင် ချင်းရေးရာဝန်ကြီး တစ်နေရာလည်းရှိပြီး ချင်းတိုင်းရင်းသားတွေဟာ စစ်ကိုင်းတိုင်းဒေသကြီးအထက်ပိုင်းမှာပြန့်ကျဲနေထိုင်ကြပါတယ်။
