တမူးမြို့နယ်အထက်ပိုင်း တမူး-အောင်ဇေယျလမ်း တုံးကျော်ကျေးရွာအနီးမှာ ဖေဖော်ဝါရီ ၁၂ ရက်နေ့တွင် မြန်မာပြည်တွင်ခိုလှုံလှုပ်ရှားနေသည့် အိန္ဒိယ၊ မဏီပူရ်လက်နက်ကိုင်ကသည်းအဖွဲ့အစည်း အဖွဲ့ဝင် ၂ ဦးအသတ်ခံရပြီး ၃ ဦးပျောက်ဆုံးနေသည်ဟုသတင်းရရှိပါသည်။
သေဆုံးသည့် နှစ်ဦးမှာ မဏီပူရ်ပြည်နယ်က Jiribamရွာမှ Prem ဆိုသူနှင့် Kakching ရွာသစ် မှKon Premkumar ဟုသိရသည်။ ၎င်းနှစ်ဦးရဲ့အလောင်းကို ကားထဲတွင်သေလျက်ကျန်ခဲ့သည်ဟုသိရသည်။ပျောက်ဆုံးနေသည့် ၃ ယောက်ထဲတွင်မိုးရေးမြို့ဒေသ ခံတစ်လည်းပါဝင်သည်ဟုလည်းသိရသည်။
သေဆုံးနေသည့်နှစ်ယောက်ထဲမှတစ်ယောက်ဟာ မျက်နာကိုအဝတ်နှင့်စည်းထားသည်ကိုကြည့်ခြင်းအားဖြင့်ဖမ်းစည်းချုပ်နှောင်းထားပြီးနောက်သေနတ်ဖြင့်ပစ်သတ်ခံရသည်ဟုယူဆရပြီး ကားဘေးပတ်လည်တွင်လည်းသေနတ်ကျည်ထိမှန်ရာအများအပြားတွေ့ရသည်ဟုသိရသည်။
၎င်းဖြစဉ်နှင့်ပတ်သတ်၍ KNA(B)- Kuki National Army (Burma) ပြောရေးဆိုခွင့်ရှိသူကိုဆက်သွယ်မေးမြန်းကြည့်ရာ သူတို့လက်ချက်မဟုတ်ငြင်းဆိုထားပါသည်။ ယခုထိ မည်သူက ပစ်သတ်တာလဲဆိုတာမသိရသေးပါ။
