PDF တမူးထံအလင်းဝင်လာတဲ့ စစ်ကောင်စီတပ်သား သေနတ် ၄ လက်နဲ့အတူ စစ်ကောင်စီထံထွက်ပြေး

စစ်ကိုင်းတိုင်း၊ တမူးမြို့နယ် PDF-Tamu တပ်ရင်း ၄ တွင် အလင်းဝင်လာတဲ့ တိုးတတ်ထွန်း ခေါ် နန်းဦးနဲ့ ၎င်းအမျိုးသမီးဟာ ဧပြီ ၂၅ ရက်က မောင်းပြန်သေနတ် ၄ လက်နဲ့အတူ တမူးမြို့၊ စစ်ကောင်စီထံပြန်ဝင်သွားတယ်လို့သတင်းရရှိပါတယ်။

နန်းဦးကို PDF-Tamu တပ်ရင်း ၄ က စစ်ကြောင်းမှူးတာဝန်ပေးထားပြီး တမူးမြို့ရှောင်လမ်းမှာ တာဝန်ကျရင်း ထွက်ပြေးတာဖြစ်ပါတယ်။

တမူးမြို့နယ်၊ အမျိုးသားလွှတ်တော်ကိုယ်စားလှယ် ဦးထန်ဆေးက “သူကလွန်ခဲ့တဲ့ ၃၊ ၄ လလောက်က လက်နက်မပါဘဲအလင်းဝင်လာတာ။ ကိုယ့်တပ်ရင်းရဲ့ အားနည်းချက်ပါတယ်။ CDM ဝင်လာရင် လွတ်မြောက်နေရာမှာပို့သင့်တယ်။ ကိုယ့်စခန်းမှာ တာဝန်ပြန်ပေးတာက မဖြစ်သင့်ဘူး။ အစကတည်းက CDM ဝင်လာတဲ့လူကိုတော့မပြောချင်ဘူး။ ခုနောက်ပိုင်းလူတွေက တကယ့် CDM အစစ်မှန်စောင့်ကြည့်ရမယ်” လို့ပြောပါတယ်။

တိုးတတ်ထွန်း ခေါ် နန်းဦး စအရ ၉၁၆ ကိုယ်ပိုင်နံပါတ် တ/522398 စစ်မြေပြင် BEတပ်ကဖြစ်ပြီး မှတ်ပုံတင်နံပါတ် ၅/ဝသန (နိုင်)၀၆၆၈၄၄ ကိုင်ဆောင်ထားပါတယ်။

၎င်းအမျိုးသမီးမှာ တမူးမြို့ စော်ဘွား ၆ ရပ်ကွက်မှာနေထိုင်တဲ့ ဒေါ်အိမြတ်ခင်ဖြစ်ပါတယ်။

နောက်ဆုံးရသတင်းများ

မြန်မာ -ဘင်္ဂလားဒေရှ့်နယ်စပ်က ရန်အောင်မြင်ကျေးရွာအနီး စစ်ကောင်စီတပ်စခန်းကို AA သိမ်းယူ

၂၅၊ မတ်၊ ၂၀၂၄ Zalen မြန်မာ-ဘင်္ဂလားဒေရှ့်နယ်စပ် ရခိုင်ပြည်နယ် မောင်တောမြို့နယ်၊ ရန်အောင်မြင်ကျေးရွာအနီး စစ်ကောင်စီတပ်စခန်းကို မတ်လ ၂၃ ရက်မှာ သိမ်းယူခဲ့တယ်လို့ ရက္ခိုင့်တပ်တော် (AA) က မတ်လ ၂၄ ရက်မှာ ထုတ်ပြန်ပါတယ်။ ...

ဆက်ဖတ်ရန်