ချင်းကော်ဖီနဲ့လုပ်ထားတဲ့ ကော်ဖီဝိုင်ကို မင်းတပ်မြို့မှာ ချင်းလူငယ် စွန့်ဦးတီထွင်သူ ဆလိုင်းမာဟုန်းက အခု အစမ်းသဘောထုတ်လုပ်နေပါတယ်။
ကော်ဖီကိုအမှုန့်ကြိတ်ပြီး အရည်စစ်ကာ သကြားနဲ့ ဝိုင်လုပ်ထားတာပါ။ အခု ဝိုင်ကပုလင်း အလုံး(၃၀)သာအစမ်းသဘောထုတ်နေပါတယ်။
ကော်ဖီဝိုင်ထုတ်လုပ်သူ ဆလိုင်းမာဟုန်းက “စားသုံးတဲ့သူတွေကြိုက်တယ်ဆိုရင် နောက်ထပ်အများကြီးထုတ်လို့ရပါတယ်။ ဘေးန္တရာယ်ဆိုးကျိုးလည်းတအားကြီးမဖြစ်ဘူး။ သောက်သုံးတဲ့ခါ ကျန်းမာရေးထိခိုက်မှုမရှိဘူး။ ပိုးပြန်သတ်တော့ ဝမ်းလျှောမှုမဖြစ်အောင် ပိုးပြန်သတ်ပေးတယ်။ ကော်ဖီဝိုင်ထဲမှာ ကော်ဖီနံ့လည်းပါတယ်။ အခါးသက်သက်ပါတယ်။ အခုက အရသာအစစ်အမှန်မပေါ်သေးဘူး။ ခုလောလောဆယ် အစမ်းသဘောထုတ်ကြည့်တယ်။ စမ်းသောက်ကြည့်တဲ့သူတွေလည်းမများသေးဘူး။ တကယ်လို့သောက်တဲ့သူတွေက ကောင်းတယ်ဆိုရင် ဆက်ထုတ်မယ်ပေါ့။ မကောင်းဘူး ခံတွင်းမတွေ့ဘူးဆိုရင် အခြေအနေကြည့်ရမှာပေါ့”လို့ဆိုပါတယ်။
ကော်ဖီဝိုင်ဟာ တစ်ပုလင်း ကျပ်ငါးထောင်နဲ့ရောင်းချနေပါတယ်။ ပုလင်းဒီဇိုင်းကိုလည်း ၎င်းစိတ်ကြိုက်မှာယူထားတာဖြစ်ပါတယ်။ ဆလိုင်းမာဟုန်းဟာ Hornbill Chin Coffee ထုတ်လုပ်တဲ့သူလည်းဖြစ်ပါတယ်။
