ရိခေါ်ဒါရ်မြို့တွင် မြေပြို၍ မုဆိုးမအိမ်တစ်လုံးပျက်စီး
ချင်းပြည်နယ် အိန္ဒိယ – မြန်မာနယ်စပ် ရိခေါ်ဒါရ်မြို့တွင် ယနေ့ နံနက် ၂ နာရီခန့်တွင် မုဆိုးမအိမ်တစ်လုံးပေါ်သို့ မြေပြိုကျသဖြင့် ပျက်စီးသွားကြောင်း သတင်းရရှိပါတယ်။
မြေပြိုကျစဉ် ယင်းအိမ်တွင် လူကြီးနဲ့ ကလေး ၅ ယောက်အိပ်ကြတယ်ပြီး ဒဏ်ရာရတဲ့သူနဲ့ အသေအပျောက်မရှိဘူးလို့သိရပါတယ်။
ဒေသခံတစ်ဦးက “သူတို့အိမ်ဆောက်တဲ့နေရာက ဒီနှစ်မှာအသစ်ဖောက်ထားတဲ့ လမ်းဆိုတော့ မြေသားက မခိုင်သေးဘူး။ မနေ့ညကလည်း မိုးသိပ်မရွာတာ ကံကောင်းတယ်ပြောရမှာပေါ့နော်။ မိုးများရင်တော့ ပိုအန္တရာယ်များမယ်။ အခု မြို့သူ၊မြို့သားတွေက အိမ်ကိုလုပ်အားပေးနဲ့ ဖျက်ပေးနေတယ်” လို့ပြောပါတယ်။
ယင်းအိမ်ဟာ အောက်ထပ် နံကပ်၊ အပေါ်ထပ် သွပ်မိုးအကာဖြစ်ပါတယ်။
