EC/ အောက်တိုဘာ ၅၊ ၂၀၂၃
Zalen
အိန္ဒိယနိုင်ငံ၊ မီဇိုရမ်ပြည်နယ်၊ အိုင်ဇောလ်မြို့ လဲန်းပွီးလေဆိပ်မှာ နယူးဒေလီသို့ပျံသန်းမယ့် မြန်မာနိုင်ငံသား ခရီးသည်တစ်ဦးထံ ရူပီးသိန်း ၃၁၀၀ ဖိုး စိတ်ကြွဆေးပြားများကို အောက်တိုဘာ ၃ ရက်က ဖမ်းဆီးရမိတယ်လို့ မီဇိုရမ်ရဲတပ်ဖွဲ့က ထုတ်ပြန်ပါတယ်။
ဖမ်းဆီးခံရတဲ့ မြန်မာနိုင်ငံသားဟာ အသက် ၃၈နှစ်အရွယ် ဒေါ်လာလ်ရမ်ထန်းဖြစ်ပြီး ၎င်းခရီးဆောင်အိတ်ထဲတွင် စိတ်ကြွဆေးပြားများထည့်ထားတာလို့သိရတယ်။
လေဆိပ်မှာ ခရီးဆောင်အိတ်များကို X-Ray ဖတ်တဲ့ချိန်မှာ မသင်္ကာစရာအထုပ်အပိုးတွေ့လို့ လေဆိပ်ရဲတပ်ဖွဲ့က ရှာဖွေစစ်ဆေးပြီး စိတ်ကြွဆေးပြား အလေးချိန် ကေဂျီ ၁၀ ဒသမ ၄ နိုင်ငံတကာစျေးနှုန်းနဲ့ ရူပီးသိန်း ၃၂၀၀ တန်ဖိုးရှိတဲ့ မူးယစ်ဆေးဝါးကို တွေ့ရှိခဲ့ပါတယ်။
၎င်းအမျိုးသမီးဟာ နယူးဒေလီမြို့မှာ အလှပြင်ဆိုင်တွင်အလုပ်လုပ်တဲ့သူဖြစ်ပြီး မြန်မာပြည်ကနေ ဒေလီသို့ ပို့ဆောင်ဖို့ရည်ရွယ်ထားခြင်းဖြစ်တယ်။
၎င်းကို မူးယစ်ဆေးဝါးတိုက်ဖျက်ရေးဥပဒေနဲ့ နိုင်ငံခြားသားဥပဒေတို့ဖြင့် အမှုဖွင့်အရေးယူထားကြောင်း သိရတယ်။
မီဇိုရမ်ပြည်နယ်မှာ မြန်မာနိုင်ငံသားများ မူးယစ်ဆေးဝါးနဲ့ ရာဇာဝတ်မှုတွေကျူးလွန်မှုများပြားတာကြောင့် မြန်မာစစ်ဘေးရှောင်များနဲ့ မီဇိုရမ်ပြည်နယ်မှာ ယခင်ကတည်းကနေထိုင်တဲ့ မြန်မာနိုင်ငံသားများအတွက် နေထိုင်ရပိုမိုကြပ်တည်းစေတယ်လို့လည်းသိရတယ်။
