ချင်းပြည်နယ်အစိုးရ ဝန်ကြီးတစ်ဦးနှုတ်ထွက်ခိုင်းသည့်စာကို နောက်တစ်ပတ်တွင် သမ္မတအတည်ပြုချက်နှင့်ထုတ်ပြန်မည်ဟုသိရသည်။
အဆိုပါဝန်ကြီးကို လုပ်ငန်းတာဝန်မကျေပွန်မှုနှင့် နှုတ်ထွက်ခိုင်းမည်ဖြစ်ကြောင်းသိရသည်။
“ကျနော်နဲ့ဝန်ကြီးချုပ်တို့ တဘက်ခါနေပြည်တော်ကိုသွားပြီး စာတင်မယ်။ သမ္မတရဲ့အတည်ပြုချက် ထုတ်ပြန်ပြီးမှသေချာမယ်။ ဘယ်ဝန်ကြီးဆိုတာလည်းပြောလို့မကောင်းသေးဘူး။ နောက်ပတ်ဆို ထုတ်ပြန်တော့မှာပါ” ဟု ချင်းပြည်နယ်လွှတ်တော်ဥက္ကဌ ဦးဇိုဘွဲ့က Zalen သတင်းဌာနသို့ပြောသည်။
