မင်းတပ်မြို့မှာ ကလေးတွေကို ကရာတေးသင်တန်းပြုလုပ်
မင်းတပ်မြို့ နွေရာသီကျောင်းပိတ်ကာလ ကလေးတွေကို ကရာတေးသင်တန်း မြို့နယ်အားကစားရုံးဦးဆောင်မှုနဲ့ မတ်လ(၁၂)ရက်စတင်ပြုလုပ်ပါတယ်။
ကရာတေးသင်တန်းကို ကုမ်သီခန်းမ တွင် ညနေ (၄)နာရီမှ (၆)နာရီထိ တနင်္ဂနွေနေ့မှအပ သင်တန်းသူ၊သား(၂၀)ဦးကို သင်ကြားပေးနေပါတယ်။
မင်းတပ်မြို့နယ် အား၊ကာမှူး ဦးတမ်မန်က “အားကစားမှာမျိုးဆက်သစ်လူငယ်တွေလက်ဆင့်ကမ်းတဲ့အနေနဲ့သင်တာပါ။ ပြီးတော့ သူတို့ကျန်းမာရေးအတွက်လည်းပါပါတယ်။ ရုံးဘက်ကတော့ သင်တန်းကြေးမယူပေမယ့် နည်းပြဆရာက တစ်ယောက်ကို တစ်သောင်းယူပါတယ်။ ဘာဖြစ်လို့လဲဆို အလကားနဲ့သင်လို့ရတဲ့ဟာ တန်ဖိုးမထားတတ်မှာဆိုးတယ်” လို့ပြောပါတယ်။
ကရာတေးအပြင် လက်ဝှေ့၊ ပိုက်ကျော်ခြင်းတွေလည်းဆက်လက်သင်ကြားဖို့အစီအစဉ်ရှိတယ်လို့ဆိုပါတယ်။
