ဖလမ်းမြို့အခြေစိုက် ဒေသန္တရ နေ့စဉ်သတင်းစာဖြစ်တဲ့ Chinland Herald အယ်ဒီတာချုပ် ဆလိုင်းငယ်ပီးကို တပ်ရင်းမှူး အောင်မျိုးထွဋ်က စစ်တပ်ကို ပုံရိပ်ကျဆင်းစေမှုနဲ့ တရားစွဲဆိုထားတယ်လို့သတင်းရရှိပါတယ်။
ဆလိုင်းငယ်ပီးက “ဒီနေ့ ပထမအကြိမ် ရုံးချိန်းသွားခဲ့တယ်။ ဘာလို့တရားစွဲတာလဲဆိုရင် ကျနော်တို့သတင်းစာမှာ အရင်က ဖော်ပြခဲ့တဲ့ သတင်းကြောင့်ပါ။ သတင်းက ဖလမ်းမြို့ထဲရေပေးဝေတဲ့ ရေပိုက်ပျက်တဲ့သတင်းကိုရေးတော့ အောက်မှာ လူငယ်တစ်ယောက်ရဲ့ပြောစကားကိုထည့်ရေးတယ်။ အဲ့ဒီလူငယ် သူတို့(စစ်တပ်)က ဖျက်ဆီးပြီးတော့ ပြည်သူတွေလုပ်သယောင်ပုံမှားရိုက်တာလည်းဖြစ်နိုင်တယ်လို့ပြောတာကို သူတို့မကြိုက်လို့တရားစွဲတာ” လို့ပြောပါတယ်။
ဆလိုင်းငယ်ပီးဟာ ချင်းအမျိုးသားဒီမိုကရေစီအဖွဲ့ချုပ် CNLD ပါတီဝင်တစ်ဦးဖြစ်ပြီး ၃ ကြိမ်တိုင်တိုင် လွှတ်တော်ကိုယ်စားလှယ်အဖြစ် ဝင်ရောက်ယှဉ်ပြိုင်တဲ့သူလည်းဖြစ်ပါတယ်။
