ကလေးမြို့၊ဒကစ အနီးတဝိုက်တွင် ကတုတ်ကျင်းနဲ့ သံချပ်ကာများချကာ လုံခြုံရေးတင်းကြပ်

စက်တင်ဘာ ၂၁၊၂၀၂၃

စစ်ကိုင်းတိုင်း၊ ကလေးမြို့၊အောင်သစ္စာရပ်ကွက် ဒေသကွပ်ကဲရေးစစ်ဌာနချုပ် (ဒကစ) ရုံးအနီးတဝိုက်တွင် စစ်ကောင်စီက လုံခြုံရေး တင်းကြပ်ထားကြောင်း ဒေသခံများထံကသိရသည်။ စစ်ကောင်စီတပ်သည် ကလေးတောင်ပိုင်း၊ သာစည်ရွာတိုက်ပွဲအပြီး စက်တင်ဘာလဆန်းပိုင်းမှ စတင်ကာ အောင်သစ္စာ ဖူဆယ်ဘောလုံးကွင်းနားမှ ဒကစအထိ ပတ်ပတ်လည်ကို ကတုတ်ကျင်းတူးမြောင်းများတူးထားပြီး သံချပ်ကာ ကားများချထားကာ လုံခြုံရေးကိုတင်းကြပ်လာခြင်းဖြစ်သည်ဟုနီးစပ်ရာများက ပြောသည်။

“PDF ကလာတိုက်မှာကြောက်လို့ ကတုတ်ကျင်းတွေရော၊ ဘန်ကာတွေရော၊ သံချပ်ကာကားတွေရောလုံခြုံရေးကတော်တော်တင်းကြပ်ထားတယ်။ ကတုတ်ကျင်းဆိုရင် ပတ်ပတ်လည်ကို အရှည်တစ်မိုင်ကျော်လောက်ရှိမယ်ထင်တယ်။ ဒကစနဲ့သိပ်မနီးတဲ့ ဘုံတောလမ်းဖက်ထိကို ကတုတ်ကျင်းတူးထားတာ” ဟု အောင်သစ္စာရပ်ကွက်နေသူတစ်ဦးကဆိုသည်။

စစ်ကောင်စီတပ်၏ လုံခြုံရေးတင်းကြပ်လာမှုကြောင့် အနီးနားတွင်နေထိုင်သူ အရပ်သား ပြည်သူများ မနေဝံ့တော့ဘဲ ထွက်ပြေးတိမ်းရှောင် နေကြပြီး ယခုချိန်ထိ စစ်ကောင်စီက ကတုတ်ကျင်းများတူးနေဆဲဖြစ်ကာ အရပ်သားများလည်းထွက်ပြေးတိမ်းရှောင်နေကြဆဲဟု သိရသည်။

နောက်ဆုံးရသတင်းများ

စစ်သင်တန်းတက်ရန် အရာတော်ကိုသွားတဲ့ စစ်ယာဉ်တန်းကို တိုက်ခိုက်မှု စကစ ဗိုလ်ကြီး ၁ ဦးအပါအဝင် ၂၀ ခန့်သေဆုံး၊ ၅၀ နီးပါးအရှင်ဖမ်းမိ

၁၄၊ ဧပြီ၊၂၀၂၄ Zalen စစ်ကိုင်းတိုင်း၊မုံရွာမြို့ကနေ စစ်ကောင်စီ စစ်မှုထမ်းရန် သင်တန်းတက်ဖို့ အရာတော်မြို့ကိုသွားတဲ့ စစ်ယာဉ် တန်းကို တော်လှန်ရေးပူးပေါင်းတပ်ဖွဲ့က ဧပြီလ ၁၂ ရက်နေ့မှာပစ်ခတ်တိုက်ခိုက်ခဲ့ရာ စစ်ကောင်စီဗိုလ်ကြီး ၁ ဦး အပါအဝင် သင်တန်းသား ၂၀ ...

ဆက်ဖတ်ရန်