ကလေး-တမူးကားလမ်းပြန်ဖွင့်ပေမယ့် တမူးမှာ ကုန်စျေးနှုန်းစျေးမြင့်နေဆဲ

PR/ ၅၊ အောက်တိုဘာလ၊ ၂၀၂၃

Zalen

စစ်ကိုင်းတိုင်း၊ တမူးမြို့နယ်တွင် လအတန်ကြာပိတ်ထားသည့်တမူး-ခမ်းပတ်လမ်းကို စက်တင်ဘာ ၁၂ နေ့တွင်ခရီးသည်တင်ကားနဲ့ ကုန်တင်ကားများကိုသွားလာခွင့်ပြုထားပေမယ့် တမူးမြို့မှာ ကုန်ဈေးနှုန်းမှာသိသိသာသာကျဆင်းမူ မရှိသေးဘူးလို့သိရတယ်။

“ကားလမ်းဖွင့်တာကတော့ရက်ပေါင်း ၂၀ ကျော်လာပါပြီ။ ဒါပေမယ့် ကုန်ဈေးနှုန်းသိသိသာသာကျဆင်းတာမတွေ့ရဘူး။ အလုပ်အကိုင်ကလည်းရှားပါးနေ တော့ကြာလာရင် ထမင်းတောင်နပ်မှန်ဖို့မလွယ်ဘူး။ ဆန်ဈေးက တစ်တင်းကို ၇၅၀၀၀ ကနေ ၈၅၀၀၀ လောက်ရှိတယ်။

 ကြက်ဥ တစ်လုံး ၆၀၀ ပေးဝယ်နေရတယ်။ ဒီကြားထဲ အိမ်ခွန်ကိုလစဉ် ၃၀၀၀၀ ကနေ ၅၀၀၀၀ ထိ အိမ်ကောင်းရင်ကောင်းသလို ပျူ‌ေစာထီးအဖွဲ့ကိုပေးနေကြရတော့ တမူးဒေသခံတွေတော့ဒုက္ခမျိုးဆုံပါပဲ” လို့ဒေသတစ်ဦးပြောတယ်။

တမူးကုန်သည်တစ်ဦးပြောပြတာကတော့ “ကားလမ်းပိတ်တုန်းက ကုန်ပစ္စည်းတွေကျန်နေသေးတာကြောင့် ချမရောင်းနိုင်သေးတာပါ။ အခုလည်းအနည်းကျဉ်းတော့ချရောင်းနေတာတွေ့ရပါတယ်။ ဓါတ်ဆီတစ်ဂါလံ ၁၇၀၀၀ ဒီဇယ်တစ်ဂါလံ ၁၈၀၀၀ ထိရောင်ချပေးနေပါပြီ” လို့ပြောပါတယ်။

ကလေး-တမူးကားလမ်းပြန်ဖွင့်ပေမယ့် ကဘော်ဒေသကို ကုန်စည်တွေပို့ဆောင်တဲ့ မဟာမြိုင်ကားလမ်းဟာ မိုးရာသီကြောင့် ကားလမ်းအခြေအနေဆိုးရွားလို့ ကုန်စည်စီးဆင်းမှု ခက်ခဲတယ်လို့သိရတယ်။

နောက်ဆုံးရသတင်းများ

ဒီညကစပြီး လောင်တလိုင်ခရိုင်ကနေ မြန်မာဘက်သို့ကုန်တင်ကား အဝင်အထွက်ပိတ်မယ်လို့ CYLA အသိပေး

၂၅၊မေလ ၊၂၀၂၄ Zalen အိန္ဒိယနိုင်ငံ၊ မီဇိုရမ်ပြည်နယ်၊ လောင်တလိုင်ခရိုင်ကနေ ချင်းပြည်နယ် ပလက်ဝမြို့နယ်နဲ့ ရခိုင်ပြည်နယ်ထဲကို အခြေခံစားသောက်ကုန်များ အပါအဝင် တစ်ခြားသောပစ္စည်းများကို သယ်ယူပို့ဆောင်လျက်ရှိတဲ့ ကားသမားများအနေနဲ့ ဒီကနေ့ မေလ ၂၅ ရက် ည ၁၂ ...

ဆက်ဖတ်ရန်