စက်တင်ဘာလတွင်း တိုက်ပွဲတွင်  အမှတ် ၁ စစ်ဒေသရှိ ပြည်သူ့ကာကွယ်ရေးတပ်ဖွဲ့ ၄၂ ဦးကျဆုံး

အိုက်ခူမီး/ ၁၇၊ အောက်တိုဘာလ၊ ၂၀၂၃

Zalen

စက်တင်ဘာလတွင်း တိုက်ပွဲတွင်  အမှတ်(၁) စစ်ဒေသရှိ စစ်ကိုင်းတိုင်း၊ မကွေးတိုင်း၊ မန္တလေးတိုင်း၊ ရှမ်းပြည်နယ် မြောက်ပိုင်းတို့တွင် တာဝန်ထမ်းဆောင်တဲ့ ပြည်သူ့ကာကွယ်ရေးတပ်ဖွဲ့ ၄၂ ဦး ကျဆုံးပြီး၊ ၂၉ ဦး ထိခိုက်ဒဏ်ရာရရှိခဲ့တယ်လို့ NUG ကာကွယ်ရေး ဝန်ကြီးဌာနက ထုတ်ပြန်ထားပါတယ်။

အမှတ် ၁ စစ်ဒေသရှိ  ပြည်သူ့ကာကွယ်ရေးတပ်ဖွဲ့(PDF)နဲ့ စစ်ကောင်စီတပ်ဖွဲ့တို့ စက်တင်ဘာလအတွင်း တိုက်ပွဲပေါင်း ၃၂၃ ကြိမ် ဖြစ်ပွားခဲ့ပြီး စစ်ကောင်စီတပ်ဖွဲ့ဝင် ၁၇၅ ဦး သေဆုံးကာ ၃၀၁ ဦး ထိခိုက်ဒဏ်ရာရရှိခဲ့လို့ ဆိုပါတယ်။

PDF တပ်ဖွဲဝင်တွေက စစ်ကောင်စီတပ်အား ဒရုန်းဖြင့် ၁၄၅ ကြိမ် တိုက်ခိုက်ပြီး ပစ်ခတ်တိုက်ခိုက်မူ ၅၅ ကြိမ်ထိ ရှိတယ်လို့ ထုတ်ပြန်ထားပါသေးတယ်။

စစ်ကောင်စီက တိုက်ပွဲအတွင်း လေကြောင်းဖြင့် ၅ ကြိမ်၊ ဒရုန်းဖြင့် ၆ ကြိမ် တန်ပြန်တိုက်ခိုက်ခဲ့တယ်လို့ ဆိုပါတယ်။ ယင်း တိုက်ပွဲတွေကို အမှတ်(၁) စစ်ဒေသကွပ်ကဲမှုအောက်ရှိ PDF၊ ပကဖနဲ့ EROs ပူးပေါင်းအဖွဲ့တွေက ဆင်နွှဲခဲ့ခြင်းဖြစ်ကြောင်း သတင်းထုတ်ပြန်ထားတယ်။

တိုက်ပွဲအတွင်း စစ်ကောင်စီထံမှ လက်နက်မျိုးစုံ ၄၆ လက်၊ ကျည် ၃၅၁၈ ခု၊ ဗုံးသီး ၅ လုံးနဲ့ မိုင်း ၃ ခုအား  PDF တပ်ဖွဲ့က သိမ်းဆည်းရမိခဲ့တယ်လို့ ဆိုပါတယ်။

နောက်ဆုံးရသတင်းများ

ဒီညကစပြီး လောင်တလိုင်ခရိုင်ကနေ မြန်မာဘက်သို့ကုန်တင်ကား အဝင်အထွက်ပိတ်မယ်လို့ CYLA အသိပေး

၂၅၊မေလ ၊၂၀၂၄ Zalen အိန္ဒိယနိုင်ငံ၊ မီဇိုရမ်ပြည်နယ်၊ လောင်တလိုင်ခရိုင်ကနေ ချင်းပြည်နယ် ပလက်ဝမြို့နယ်နဲ့ ရခိုင်ပြည်နယ်ထဲကို အခြေခံစားသောက်ကုန်များ အပါအဝင် တစ်ခြားသောပစ္စည်းများကို သယ်ယူပို့ဆောင်လျက်ရှိတဲ့ ကားသမားများအနေနဲ့ ဒီကနေ့ မေလ ၂၅ ရက် ည ၁၂ ...

ဆက်ဖတ်ရန်