ကလေးမြို့၊ အမြောက်တပ်ကနေ လက်နက်ကြီးဖြစ် မြောက်ဘက်သို့ အကြိမ်ရေများစွာ ရမ်းသမ်းပစ်ခတ်ရာ ဆည်ကြီးရွာထဲသို့ ကျရောက်ပေါက်ကွဲတာကြောင့် အသက် (၆၃နှစ်)အရွယ် အမျိုးသမီးထိမှန်ပြီး ဗိုက်ပွင့်ကာသေဆုံးသွားတယ်လို့သတင်းရရှိပါတယ်။
ယနေ့ နိုဝင်ဘာ ၂၁ နံနက် ၁၁း၅၀ အချိန်မှာ ဆည်ကြီးရွာထဲ လက်နက်ကြီးတစ်လုံးကျရောက်ပေါက်ကွဲခဲ့တာဖြစ်တယ်။ ယင်းလက်နက်ကြီးကျည်က အိပ်ယာထဲလဲနေတဲ့ အစာအိမ်ရောဂါခံစားနေတဲ့ ဒေါ်ရွန်းနိပ်ကင်းမ် (Pi Run Neih Kim) တို့အိမ်ဝန်းထဲကျရောက်ပေါက်ကွဲပြီး ယင်းအမျိုးသမီးသေဆုံးသွားပါတယ်။
လက်နက်ကြီးကျည်ကြောင့် ဒေါ်ရွန်းနိပ်ကင်းမ်တို့ အိမ်ခေါင်မိုး၊ နံရံများနဲ့ သစ်ပင်များပျက်စီးသွားကြောင်းသိရတယ်။
