တစ်လအတွင်း စစ်ကောင်စီတပ်ကြောင့် အမျိုးသမီး ၆၀နီးပါးသေဆုံးပြီး ၁၀ ဦးဖမ်းဆီးခံရ

၂၊ ဖေဖော်ဝါရီ၊ ၂၀၂၄
Zalen

ဇန်နဝါရီလ တစ်လအတွင်းမှာ စစ်ကောင်စီတပ်ကြောင့် အမျိုးသမီး ၅၉ ဦးသေဆုံးခဲ့ပြီး ၁၀ ဦးဖမ်းဆီးထိန်းသိမ်းခံခဲ့ရတယ်လို့ မြန်မာ့အမျိုးသမီးသမဂ္ဂ (BWU) က ဖေဖော်ဝါရီလ ၁ ရက်နေ့မှာ ထုတ်ပြန်လိုက်ပါတယ်။

ဇန်နဝါရီ ၁ရက်နေ့ကနေ ၂၆ ရက်နေ့အထိ နိုင်ငံရေးအကျဉ်းသားများ ကူညီစောင့်ရှောက်ရေးအသင်း (AAPP) ရဲ့ အချက်အလက်တွေကို မှီငြမ်းကိုးကား ကာ ခိုင်လုံသောသတင်းမီဒီယာတွေက သတင်းအချက်အလက်တွေ အပေါ် အခြေခံပြီး ပြန်လည်စုစည်းတင်ပြထားခြင်းဖြစ်ပြီး မြေပြင်မှာ အခုထက်ပိုမိုများပြားနိုင်တယ်လို့ မြန်မာ့အမျိုးသမီးသမဂ္ဂ က အသိပေးထုတ်ပြန်ထားပါတယ်။

သေဆုံးခဲ့ရတဲ့ အမျိုးသမီးတွေဟာ စစ်ကောင်စီတပ်ရဲ့လက်နက်ကြီးကြောင့် သေဆုံးသူ ၂၈ဦး၊ လေ ကြောင်းနဲ့ ဗုံးကြဲတိုက်ခိုက်ခံရလို့ သေဆုံးသူ ‌၂၁ဦး၊ သေနတ်နဲ့ ပစ်သတ်ခံရသူ ၇ဦး၊ ဖမ်းဆီးထိန်းသိမ်းခံရစဉ် နှိပ်စက်ခံရတာကြောင့် အကျဉ်းထောင်တွင်း သေဆုံးသူ နှစ်ဦး၊ ဖမ်းဆီးစဉ် သေဆုံးလို့ မီးရှို့ခံရသူ တစ်ဦးတို့ ဖြစ်ပါတယ်။

သေဆုံးခဲ့တဲ့အမျိုးသမီးတွေထဲမှာ စစ်ကိုင်းတိုင်းက ၂၁ ဦး ပါ၀င်ပြီး အများဆုံးဖြစ်ကာ ရခိုင်ပြည်နယ်တွင် ၁၅ ဦးနဲ့ ဒုတိယအများဆုံးဖြစ်တယ်လို့ BWUက ထုတ်ပြန်ထားပါတယ်။

ဇန်နဝါရီလအတွင်း ဖမ်းဆီးခံရတဲ့ အမျိုးသမီးတွေဟာ မန္တလေးတိုင်း၊ ရန်ကုန်တိုင်း၊ မကွေးတိုင်း၊ တနင်္သာရီတိုင်း၊ ရှမ်းပြည်နယ်၊ မွန်ပြည်နယ်တို့က ဖြစ်ပါတယ်။

ဖမ်းဆီးခံ အမျိုးသမီးတွေဟာ လူမှုကွန်ရက်စာမျက်နှာမှာ သတင်းမှားတွေ ရေးသားဖော်ပြတာ၊ အမျိုးသားညီညွတ်ရေးအစိုးရ NUG ၊ ပြည်ထောင်စုလွှတ်တော်ကိုယ်စားပြုကော်မတီ CRPH နဲ့ တော်လှန်ရေးတပ်ဖွဲ့တွေကို ထောက်ပံ့မှု‌တွေ ပြုလုပ်‌
နေတယ်လို့ စွပ်စွဲချက်နဲ့ ဖမ်းဆီးခဲ့တာ ဖြစ်ပါတယ်။

အာဏာသိမ်းကာလ ၂၀၂၁ ခုနှစ် ဖေဖော်ဝါရီလ ၁ ရက်နေ့မှ ၂၀၂၄ ခုနှစ် ဇန်နဝါရီလ ၂၆ ရက်နေ့အထိ အမျိုးသမီး ၇၅၀ ကျော် သေဆုံးခဲ့ပြီး ဖမ်းဆီးထိန်းသိမ်းခံထားရတဲ့ အမျိုးသမီး ဦးရေ ၃,၃၀၀ ခန့်ရှိတယ်လို့ မြန်မာ့အမျိုးသမီးသမဂ္ဂက ထုတ်ပြန်ထားပါတယ်။

နွေဦးချယ်ရီ

နောက်ဆုံးရသတင်းများ

ကလေးမြို့မှာ ဖုန်းအတွင်း VPN ဆော့ဝဲလ်တွေ့မှုနဲ့ ဒေသခံတွေကို စစ်ကောင်စီက ဒဏ်ရိုက်

၁၄၊ ဇွန်၊ ၂၀၂၄ Zalen စစ်ကိုင်းတိုင်း၊ ကလေးမြို့ ရပ်ကွက်တွေနဲ့ လမ်းဆုံလမ်းခွနေရာတွေမှာ ဇွန်လ ၁၃ ရက်နေ့က လမ်းသွားလမ်းလာတွေရဲ့ လက်ကိုင်ဖုန်းတွေကို စစ်ကောင်စီတပ်က စစ်ဆေးခဲ့ပြီး VPN (Virtual Private Network) ဆော့ဝဲလ်တွေ့ရှိလို့ ...

ဆက်ဖတ်ရန်