တမူးမြို့အထက်ပိုင်းတွင် ဓားပြတိုက်မှုထပ်မံဖြစ်ပွား

တမူးမြို့အထက်ပိုင်းသို့ကုန်စိမ်းရောင်းချသူများကို မျက်နှာဖုံးစွပ်လူတွေက ယနေ့ သြဂုတ် ၂၂ ရက်မနက် ၄ နာရီခွဲခန့်တွင် ထပ်မံဓားပြတိုက်ခံရပြီး ငွေသားအနည်းငယ်ပါသွားသည်ဟုသိရသည်။

ယနေ့မနက်တွင်တမူးမြို့မှတမူးအထက်ပိုင်းကျေးရွာများသို့ကုန်စိမ်းငါးစိမ်းများလှည့်လည်ရောင်းချရန်ထွက်လာသည့် ဈေးသည် ၃ ဦးသည် တမူးမြို့နယ် ကွန်းတောင်းရွာသစ် နှင့် ချောင်းနက်ကြီးကြား ချောင်းညီနောင်နားတွင် အနက်ရောင်ဝတ်စုံမျက်နှာဖုံးစွပ် ယောက်ျားလေးသုံးယောက်မှဓားမြှောကိုယ်စီဖြင့်ဈေးသည်များကိုတားစီးကာ ဓားပြတိုက်သွားပြီးငွေသား ၆သောင်း ခန့်ပါသွားသည်ဟုသိရသည်။

ထိုနောက် နာရီဝက်ခန့်အကြာတွင် တမူးမြို့ဘက်မှဈေးရောင်းရန်ထပ်ရောက်လာသည့်ဈေးသည်လင်မယားနှစ်ယောက်ကိုလည်းထပ်မံဓားပြတိုက်ရန်ကြိုးစားခဲ့ကြသော်လည်းဈေးသည်လင်မယားနှစ်ယောက်ဆိုင်ကယ်မောင်းပြေးသောကြောင့်လွှတ်မြောက်သွားသည်ဟုဒေသခံတစ်ဦးထံမှသိရသည်။

အခုဓားပြအဖွဲ့သည် သြဂုတ် ၁၇ ရက်နေ့ကဓားပြတိုက်သည့်လူတွေနှင့် ပုံစံရုပ်အနေထားအတူတူဖြစ်သည်ဟုသိရသည်။

ယင်းကဲ့သို့ ဓားပြတိုက်လုယက်မူတွေဟာတမူးအထက်ပိုင်း မှာ ၄ ကြိမ်မကဖြစ်ပွားခဲပြီးဖြစ်သော်လည်း စစ်ကောင်စီနှင့် ပြည်သူ့ကာကွယ်ရေးတပ်ဖွဲ့ဖက်မှတစုံအရေးယူဖြေရှင်းပေးမူမရှိသေးပါ။

နောက်ဆုံးရသတင်းများ

ကနေဒီတောင် တပ်စခန်းကို ချင်းလဲန်းကောင်စီတပ်ဖွဲ့ PDA အဖွဲ့ ထိန်းချုပ်ထား

၂၂၊ ဇွန်၊  ၂၀၂၄ Zalen ချင်းပြည်နယ်၊ တီးတိန်မြို့နယ် ကနေဒီတောင်ပေါ်က စစ်ကောင်စီတပ်စွဲထားခြင်းမရှိတဲ့ စခန်းကို ဇွန်လ ၂၂ ရက်နေ့မှာ ချင်းလဲန်း ကောင်စီတပ်ဖွဲ့ ပြည်သူ့ကာကွယ်‌ရေးတပ်မတော် (People Defence Army) အဖွဲ့က ဝင်ရောက်ထိန်းချုပ်ထားတယ်လို့ ...

ဆက်ဖတ်ရန်