ပလက်ဝမြို့နယ် အနောက်ပိုင်း ရပ်ချောင်းရွာမှာ အောက်တိုဘာ(၂၉)ရက်နံနက်ပိုင်းက ဟင်းရှာပြီးအပြန်လမ်းမျာမိုင်းထိလို့ (၃၅)နှစ်အရွယ် ဦးဟွေ့တန်းဟာ မျက်နှာတစ်ခုလုံးပျက်စီးပြီး အပြင်းအထန်ဒဏ်ရာရရှိတယ်လို့သတင်းရရှိပါတယ်။
ပလက်ဝမြို့မှလူငယ်တစ်ယောက်ဖြစ်တဲ့ အိုက်ခင်က “လူနာအခြေအနေကတော့ အသည်းအသန်ဖြစ်နေတယ်။ ဒီကဆေးရုံကဆရာဝန်တွေကတော့ စစ်တွေကိုလွှတ်နေတယ်။ ဒီမနက်ပိုင်းသွားနိုင်အောင် အခုစက်လှေစီစဉ်နေတယ်။ သူတို့ကငွေရေးကြေးရေးအခက်အခဲဖြစ်နေတဲ့တွက်ကြောင့် စက်လှေငှားဖို့လည်းလူငယ်ပိုက်ဆံလိုက်စုနေတယ်။ စေတနာရှိတဲ့သူတွေလည်း ပါဝင်ကူညီစေချင်တယ်”လို့ပြောပါတယ်။
မြေမြုပ်မိုင်းထိလို့ မျက်နှာတစ်ခုလုံးပျက်စီးသွားတဲ့ ဦးဟွေ့တန်း
ဖြစ်စဉ်မှာ ရပ်ချောင်းရွာနေ ဦးဟွေ့တန်း(၃၅)နှစ်နဲ့ရွာသား ငါးဦးတို့ဟာ အောက်တိုဘာ(၂၃)ရက်မှာ တောထဲဟင်းထွက်ရှာကြပါတယ်။ အောက်တိုဘာ(၂၉)ရက်မှာ ဟင်းရှာပြီးအပြန် နံနက်(၁၁)နာရီခန့်မှာ ဦးဟွေ့တန်းက မြေမြုပ်မိုင်းနှင်မိလို့ မျက်နှာတစ်ခုလုံးပျက်စီး၊ ဘယ်လက်ချောင်းများပျက်၊ ယာဘက်ပေါင်းခြေရင်းထိလို ဘောစိထိ၊ သွားအပေါ်အောက်လေးချောင်းကျိုးစတဲ့ဒဏ်ရာတွေရရှိပါတယ်။ အဖော်(၄)ဦးကရွာကိုသတင်းပို့ပြီး ညနေ(၄)နာရီမှာရွာကိုရောက်ပြီး ယင်းနေ့ည (၆)နာရီကနေ ရွာမှပလက်ဝဆေးရုံသို့သယ်လာပြီး အောက်တိုဘာ(၃၀)ရက် နံနက်(၅)နာရီမှာ ပလက်ဝဆေးရုံကိုရောက်လာကြပါတယ်။
ဦးဟွေ့တန်း မှာ သား/သမီး(၆)ဦးရှိပါတယ်။
